بیجنگ (این این آئی)کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور چینی وزیر خارجہ وانگ ای نے نیدرلینڈز کے نئے وزیر خارجہ فیلڈکان سے ٹیلیفونک گفتگو کی۔جمعہ کے روز وانگ ای نے کہا کہ چین اور نیدرلینڈز کے درمیان کھلی اور عملی جامع تعاون پر مبنی شراکت داری کی مستحکم ترقی سے دونوں ممالک کے عوام کو ٹھوس فوائد حاصل ہوئے ہیں اور اس شراکت داری نے خطے اور دنیا کی پرامن ترقی میں اہم کردار ادا کیا ہے۔انہوں نے کہا کہ چین نیدرلینڈز کی نئی حکومت کے ساتھ قریبی تعلقات قائم کرنے، ہمہ جہت امور پر بات چیت کرنے اور باہمی افہام و تفہیم کو بڑھانے کے لیے تیار ہے۔ وانگ ای نے کہا کہ چین عالمی پیداوار اور سپلائی چین کے استحکام کو مشترکہ طور پر برقرار رکھنے کے لیے نیدرلینڈز کے ساتھ تعاون کو مضبوط کر نے کا خواہاں ہے۔چینی وزیر خا رجہ وانگ ای نے کہا کہ حال ہی میں منعقدہ نیٹو واشنگٹن سربراہی اجلاس میں چین پر بے بنیاد الزامات لگائے گئے جنہیں چین کبھی قبول نہیں کرے گا۔ انہوں نے کہا کہ نیٹو کو ایشیا پیسیفک کے معاملات اور چین کے اندرونی معاملات میں مداخلت نہیں کرنی چاہیے اور چین کے جائز حقوق اور مفادات کو چیلنج نہیں کرنا چاہیے۔نیدرلینڈز کے وزیر خارجہ فیلڈکان نے کہا کہ چین ایشیا میں نیدرلینڈز کا اہم اقتصادی اور تجارتی شراکت دار ہے اور دونوں فریقوں کو دوطرفہ اور کثیر الجہتی مسائل پر باہمی فائدہ مند تعاون کرنا چاہیے۔ انہوں نے کہا کہ یورپ اور چین کے درمیان کچھ معاملات میں اختلافات کو دونوں فریقوں کے درمیان تعاون میں رکاوٹ نہیں بننا چاہیے۔انہوں نے مزید کہا کہ نیٹو اپنے رکن ممالک کی سلامتی کے تحفظ کے لیے پرعزم ہے اور ہمیشہ ایک دفاعی ادارہ رہے گا۔
مقبول خبریں
اختلاف راے کی آڑ میں امن کو سبوتاژ کرنا قابل مذمت ہے’ مریم نواز...
لاہور( این این آئی) وزیراعلیٰ پنجاب مریم نواز شریف نے کہا ہے کہ امن بہت بڑی نعمت ہے، بدامنی زوال لاتی ہے، امن کی...
بلاول بھٹو زرداری 36 سال کے ہو گئے’ بہنوں اور جیالوں کی مبارکباد
کراچی(این این آئی)صدرِ مملکت آصف علی زرداری کے صاحبزادے، پاکستان پیپلز پارٹی کے چیئرمین، 37 ویں سابق وزیرِ خارجہ، بلاول بھٹو زرداری آج 36...
پریکٹس اینڈ پروسیجرآرڈینینس منظور ہوتے ہی لاہور ہائیکورٹ میں چیلنج
لاہور(این این آئی)وزیراعظم، وفاقی کابینہ کی منظوری اور صدر مملکت کی جانب سے سپریم کورٹ ترمیمی پریکٹس اینڈ پروسیجرآرڈیننس پر دستخط ہونے کے ساتھ...
پارلیمان کا قانون سازی کا اختیار آئین میں دی گئی حدود کے تابع ہے،...
اسلام آباد(این این آئی)سپریم کورٹ کے جسٹس منظور علی شاہ کے تحریر کردہ ایک فیصلے میں کہا گیا ہے کہ پارلیمان کا قانون سازی...
اختلافات ختم کرکے امن کیلئے مشترکہ حکمت عملی ضرورت ہے، وزیراعظم
اسلام آباد(این این آئی)وزیراعظم شہباز شریف کا کہنا ہے کہ امن کے عالمی دن کے موقع پر پاکستان کی حکومت اور عوام جنگ اور...