اسلام آبا د(این این آئی)وفاقی وزیر اطلاعات و نشریات سینیٹر شبلی فراز نے کہا ہے کہ پاکستان ایک ذمہ دار اور پرامن ملک ہے ‘پاکستان کو کمزور کرنے کیلئے بھارت جھوٹ ‘ بہتان اور الزامات کا سہار الیتا ہے ‘ ڈس انفولیب کی حالیہ رپورٹ نے ثابت کر دیا بھارت جھوٹ اور جعل سازی میں اس حد تک جاسکتا ہے ‘ دنیا کی سب سے بڑی جمہوریت کا دعوی کرنے والا ہندستان ان اوچھے ہتھکنڈوں کی وجہ سے بے نقاب ہو کر فاشٹ ملک کے طور پر ابھرا ہے ‘ بھارتی ہتھکنڈوں اور ہندتوا نظریئے سے خطے کے امن کو خطرات لاحق ہیں ‘ عالمی برادری کی خاموشی اور دوہرا معیار سوالیہ نشان ہے۔وہ انسٹی ٹیوٹ آف سٹریٹجک سٹیڈیز(آئی ایس ایس ) میں ہندتوا ذہنیت اور بھارت کے توسیع پسندانہ عزائم کو سمجھنے کے عنوان سے منعقدہ سمینار سے خطاب کر رہے تھے۔ وفاقی وزیر اطلاعات سینیٹر شبلی فراز نے کہا کہ ہندتوا ذہنیت اور بھارت کے توسیع پسندانہ عزائم ایک اہم موضوع ہے اس پر سمینار کے انعقاد پر منتظمین کے شکرگذار ہیں۔ انہوں نے کہاکہ دنیا کی سب سے بڑی جمہوریت کا دعویدار آج فاشٹ ملک کے طور پر دنیا کے سامنے آشکار ہوچکا ہے۔ انہوں نے کہاکہ ہمارا ہمسایہ ملک ہندوستان پاکستان کے اندر دہشت گردی کی کارروائیوںمیں براہ راست ملوث ہے، پاکستان نے شواہد دنیا کو سامنے رکھے ہیں۔ انہوں نے کہا کہ پاکستان ایک ذمہ دار ملک ہے اور خطے کی صورتحال سے بخوبی آگاہ ہے اور خطے کے امن و استحکام میں اہم کردار ادا کررہا ہے۔ وفاقی وزیر سینیٹر شبلی فراز نے کہا کہ بھارت ہمیشہ سے پاکستان کے امن کو عدم استحکام کا شکار کرنے کے لئے مختلف ہتھکنڈوں پر مصروف عمل رہا ‘ ڈس انفولیب کی حالیہ رپورٹ نے بھارت کو مزید بے نقاب کر دیا ہے کہ وہ کس طرح جعل سازی اور جھوٹ کا سہارا لیتا ہے۔ انہوں نے کہا کہ علاقائی صورتحال سے متعلق پاکستان حقائق کی روشنی میں اپنا نکتہ نظر پیش کرتا ہے لیکن بدقسمتی سے ہمارا ہمسایہ ملک بھارت ہمیشہ سے حقائق کو توڑ موڑ کر پیش کرتا آرہا ہے ‘ ہندوستان ہمشیہ سے پاکستان کو کمزور کرنے کے لئے جھوٹ’ بہتان اور الزام تراشی کا سہارا لیتا آیا ہے۔
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...