کراچی (این این آئی) سابق چیئرمین سینیٹ اور پیپلزپارٹی کے رہنما میاںرضا ربانی نے کہا ہے کہ وفاقی حکومت صوبوں میں گورنرراج لگانا چاہتی ہے۔ آج پھرملک میں ون یونٹ نافذ کرنے کی باتیں کی جارہی ہیں۔سینیٹ الیکشن آئین کے مطابق وقت پر ہی ہوں گے، ترمیم کر کے طریقہ کار کو تبدیل نہیں کیا جاسکتا، مشتر کہ مفادات کونسل کے فیصلے بھی کابینہ خود کر رہی ہے۔الیکشن کمیشن آزاد ادارہ ہے آئین کے تحت الیکشن کرانا اس کی ذمہ داری ہے۔سپریم کورٹ سے کہنا چاہتا ہوں کہ یہ پارلیمنٹ میں اکثریت نہ رکھتے ہوئے آئین میں ترمیم کرنا چاہتے ہیں۔امید ہے کہ سپریم کورٹ اس کھیل کا حصہ نہیں بنے گی۔ان خیالات کا اظہار انہوں نے سندھ اسمبلی کمیٹی روم میں پریس کانفرنس سے خطاب کرتے ہوئے کیا ۔اس موقع پر سینیٹر شیری رحمن اور وقار مہدی بھی موجود تھے ۔رضا ربانی نے کہا کہ وفاقی کابینہ نے سینیٹ الیکشن پر غیرآئینی اقدام کرنے کی کوشش کی ہے ۔وفاقی کابینہ کا الیکشن کرانے کا اختیار نہیں ہے ۔الیکشن کمیشن آزاد ادارہ ہے آئین کے تحت الیکشن کرانا اس کی ذمہ داری ہے۔موجودہ سینٹ کی مدت 11 مارچ رات 12 بجے ختم ہوگی۔سینٹ انتخابات کے لئے آئین کا آرٹیکل 59 بالکل واضح ہے۔جو فیصلے مشترکہ مفادات کو کرنے ہیں وہ کابینہ کررہی ہے۔انہوںنے کہا کہ ہاتھ دکھا کر ایکشن کرانے کی منطق عجیب ہے ۔حکومت کے پاس ترمیم پاس کروانے کی طاقت نہیں ہے۔شو آف ہینڈ کے زریعے قوم پرست جماعتوں کو ایک سیٹ ملنا بھی مشکل ہوجائے گا۔شو آف اینڈ کے ذریعے سینٹ انتخابات کرنے کی بات آئین کی نفی ہے۔انہوں نے کہا کہ پاکستان بنانا ری پبلک نہیں ہے ۔آئین کی دھجیاں اڑا کر عوام کی خدمت نہیں کی جارہی ہے ۔ہوسکتا ہے کہ اس معاملے پر سپریم کورٹ سے رجوع کیا جائے۔سپریم کورٹ سے کہنا چاہتا ہوں کہ یہ پارلیمنٹ میں اکثریت نہ رکھتے ہوئے آئین میں ترمیم کرنا چاہتے ہیں۔امید ہے کہ سپریم کورٹ اس کھیل کا حصہ نہیں بنے گی۔انہوں نے کہا کہ وفاقی حکومت کو متنبہ کرتے ہیں کہ این ایف سی کے ساتھ چھیڑ چھاڑ نہ کی جائے۔اٹھارویں ترمیم ختم نہیں کی جاسکتی ہے ۔سقوط ڈھاکا کے حوالے سے پوچھے گئے سوال کے جواب میں رضا ربانی نے کہا کہ میں سمجھتاہوں حمود الرحمان رپورٹ سمیت سب رپورٹس عوام کے سامنے لائی جانی چاہئیں۔پاکستان میں پہلا فساد زبان کی بنیاد پرہواتھا۔انہوںنے کہا کہ حکمران ملک کوتباہی کی طرف لے جارہے ہیں ۔
مقبول خبریں
یوسف رضا گیلانی سے روسی سفیر کی ملاقات ،خطے، علاقائی و بین الاقوامی تعلقات...
اسلام آباد (این این آئی)چیئرمین سینٹ سید یوسف رضا گیلانی سے روس کے سفیر کی پارلیمنٹ ہائوس میں ملاقات کی جس میں خطے،...
ایشیائی ترقیاتی بینک کی پاکستان میں شرح نمو میں اضافے کی پیش گوئی
اسلام آباد (این این آئی)ایشیائی ترقیاتی بینک (اے ڈی بی)نے معاشی اصلاحات کے باعث رواں سال پاکستان کے معاشی شرح نمو میں اضافے...
اچھی سیاست نہیں کریں گے تو ملک آگے نہیں بڑھے گا، وزیراعلیٰ پنجاب مریم...
فیصل آباد (این این آئی)وزیراعلیٰ پنجاب مریم نواز نے کہا ہے کہ اچھی سیاست نہیں کریں گیتو ملک آگے نہیں بڑھے گا۔تقریب سے خطاب...
وزیراعظم کی کویت کے ولی عہد سے ملاقات ،دو طرفہ تعلقات کو مزید مضبوط...
نیویارک (این این آئی)وزیراعظم محمد شہباز شریف اور کویت کے ولی عہد شیخ صباح الخالد الحمد المبارک الصباح کے درمیان اقوام متحدہ کی...
سکول سے باہر اڑھائی کروڑ بچوں کو زیور تعلیم سے آراستہ کرنا سب سے...
نیویارک(این این آئی)وزیراعظم محمد شہباز شریف نے ملک میں معیاری تعلیم کے فروغ کو اولین ترجیح قرار دیتے ہوئے کہا ہے کہ سکول سے...