لاہور( این این آئی) چیئرمین پاکستان پیپلز پارٹی بلاول بھٹو زرداری نے مسلم لیگ (ن) کی نائب صدر مریم نواز سے ٹیلیفونک رابطہ کر کے ملک کی مجموعی صورتحال اور آئندہ کے حوالے سے لائحہ عمل بارے تبادلہ خیال کیا ۔ذرائع کے مطابق دونوں رہنمائوں نے سینیٹ انتخابات اور پی ڈی ایم کی حکمت عملی پر غور کیا ۔دونوں رہنمائوں کا کہنا تھاکسی بھی غیر آئینی ذرائع کو سینیٹ میں 2018 کے ماڈل کے انتخاب کو نقل کرنے کی اجازت نہیں دی جائے گی۔بلاول بھٹو زرداری نے مریم نواز شریف کو ذاتی طور پر 27 دسمبر کو گڑھی خدا بخش میں سابق وزیر اعظم محترمہ بے نظیر بھٹو شہید کی یوم شہادت کی برسی کے موقع پر منعقدہ تقریب میں شرکت کی دعوت بھی دی۔
