ابوظہبی (این این آئی)متحدہ عرب امارات کے صدر شیخ خلیفہ بن زاید آل نہیان نے نماز استسقا کی ہدایت کردی۔ غیرملکی خبررساں ادارے کے مطابق ابوظبی سے سرکاری میڈیا کے مطابق صدارتی فرمان میں کہا گیا کہ باران رحمت کے حصول کے لیے ملک بھر میں نماز استسقا کا اہتمام کیا جائے۔ نماز استسقا کا اہتمام جمعہ 18 دسمبر کو تمام اماراتی ریاستوں میں کیا جائے۔ صدارتی فرمان میں مزید کہا گیا کہ نماز استسقا میدانوں اور مساجد میں دس منٹ کے دورانیے میں ادا کی جائے۔
