کراچی (این این آئی)پاکستان میں مارننگ شوز کی جان سمجھی جانے والی اداکارہ و ماڈل نتاشا علی نے بھی خاموشی سے شادی کرلی ہے۔حال ہی میں سرکاری ٹی وی چینل کے مارننگ شو میں شرکت کرنے والی اداکارہ نے اْس وقت مداحوں کو حیرت میں مبتلا کردیا جب انہوں نے بتایا کہ وہ رشتہ ازدواج میں منسلک ہوچکی ہے۔عام طور پر شوبز شخصیات کی شادی کا سوشل میڈیا پر خوب چرچا رہتا ہے، تمام تقریبات میں مداح بھی خوب دلچسپی لیتے ہیں۔نتاشا علی نے مارننگ شو میں میزبان کو بتایا کہ وہ 14اگست کو شاہزیب علی نامی سرکاری افسر سے رشتہ ازدواج میں منسلک ہوئیں۔انہوں نے شو میں بتایا کہ شادی کو 4 ماہ ہوچکے ہیں لیکن وہ خود کو اب بھی نئی نویلی دلہن محسوس کرتی ہیں۔نتاشا علی نے بتایا کہ شادی کی تقریب لاک ڈاؤن کے باعث سادگی سے منعقد کی گئی، انہوں نے اپنی بات جاری رکھتے ہوئے یہ بھی کہا کہ شادی کے فوراً بعد محرم کا مہینہ شروع ہوگیا اس لیے ہم نے کسی قسم کی تقریبات یا خوشیاں نہیں منائی۔انہوں نے بتایا کہ شادی سے دو ماہ پہلے تک میں بہت پرجوش تھی لیکن پھر محرم کے باعث بعد میں بھی کوئی تقریب منعقد نہیں کی۔انہوں نے کہا کہ وہ چاہتی تھیں کہ نکاح اور شادی ایک دن میں سادگی سے ہو، وہ ساری چیزیں میری پوری ہوگئی۔اداکارہ نے مزید کہا کہ میں نے نکاح میں صرف ایک جوڑا پہنا تھا اور ہماری تقریب بھی ایک ہی ہوئی تھی جس میں 10 سے 12 افراد شریک تھے۔شوہر کے حوالے سے پوچھے گئے سوال میں اداکارہ نے بتایا کہ ‘میرے شوہر شاہزیب سول انجینئر ہیں اور انہیں متعدد مارننگ شوز میں مدعو کیا جاچکا ہے لیکن کسی بھی پروگرام میں ان کی شرکت حکومت کی اجازت سے مشروط ہے۔خیال رہے کہ شوبز انڈسٹری میں اس سال لاک ڈاؤن اور عالمی وبا کے دوران بھی بیشمار شخصیات نے شادی کی ہے انہی میں اب نتاشا کا اضافہ بھی ہوگیا ہے۔
مقبول خبریں
نیوزی لینڈ کیخلاف پہلے ون ڈے میچ میں قومی ٹیم کے تین کھلاڑیوں کا...
نیپیئر(این این آئی) نیوزی لینڈ کے خلاف پہلے ون ڈے میچ میں قومی ٹیم کے تین کھلاڑیوں نے ڈیبیو کیا ۔عاکف جاوید ، عثمان...
پہلے ون ڈے میچ میں نیوزی لینڈ نے پاکستان کو 73 رنز سے شکست...
پہلے ون ڈے میچ میں نیوزی لینڈ نے پاکستان کو 73 رنز سے شکست دے دی نیپیئر (این این آئی)پہلے ون ڈے میچ میں...
سعودی ولی عہد شہزادہ محمد بن سلمان سے سوڈانی کونسل کے چیئرمین کی ملاقات
مکہ مکرمہ(این این آئی )سعودی عرب کے ولی عہد شہزادہ محمد بن سلمان بن عبدالعزیز آل سعود نے مکہ مکرمہ کے قصر الصفا میں...
علی امین نے آبادی کیلئے این ایف سی ایوارڈ میں حصہ نہ ملنے پر...
پشاور(این این آئی) وزیراعلی خیبرپختونخوا علی امین گنڈاپور نے آبادی کیلئے ملنے والا این ایف سی ایوارڈ میں حصہ نہ ملنے پر صدر پاکستان...
لگتا ہے علی امین گنڈاپور کے گرد گھیرا تنگ کیا جارہا ہے، شیر افضل...
اسلام آباد (این این آئی)پاکستان تحریک انصاف کے رکن قومی اسمبلی شیر افضل مروت نے کہا ہے کہ لگتا ہے علی امین گنڈاپور...