واشنگٹن(این این آئی)امریکہ کے نومنتخب صدر جو بائیڈن نے نیو میکسیکو سے تعلق رکھنے والی ڈیب ہالینڈ کو وزیرِ داخلہ کے عہدے کے لیے اپنی ٹیم میں منتخب کر لیا ہے اور جلد ان کو باقاعدہ نامزد کرنے کا ارادہ رکھتے ہیں۔ہالینڈ پہلی خاتون وزیرِ داخلہ ہوں گی جو قدیمی امریکی قبائل سے تعلق رکھتی ہیں۔میڈیارپورٹس کے مطابق محکمہ داخلہ ملک میں وفاقی طور پر منظم 600 قبائل پر گہرا اثرو نفوذ رکھتا ہے۔ ادارہ اس کے ساتھ وفاقی اراضی بشمول وائلڈ لائف پارکس، پانی کے وسائل، معدنی وسائل کی بھی نگرانی کرتا ہے۔ یہ تمام امور 60 سالہ ڈیب کی ذمہ داریوں کا حصہ ہوں گے۔امریکہ میں رہنے والے قبائل نے ہالینڈ کی نامزدگی پر خوشی کا اظہار کرتے ہوئے اسے تاریخی فیصلہ قرار دیا ہے۔ہالینڈ 2018 میں امریکی کانگریس کی رکن منتخب ہوئی تھیں جب کہ وہ ہاس کمیٹی برائے قدرتی وسائل کی چیئرپرسن بھی ہیں۔ اس سے قبل وہ نیو میکسیکو میں ڈیمو کریٹک پارٹی کی سربراہ تھیں۔بائیڈن نے مائیکل ریگن کو ماحولیاتی تحفظ کے ادارے کا سربراہ نامزد کیا ہے۔ ریگن اس سے قبل نارتھ کیرولائنا کی ماحولیاتی ایجنسی کے سربراہ کے طور پر کام کر رہے تھے۔امریکی ذرائع ابلاغ کے مطابق ماحول کے تحفظ کے لیے کام کرنے والی کئی تنظیموں نے ریگن کی نامزدگی پر خوشی کا اظہار کیا ہے۔ریگن سابق صدر بل کلنٹن اور اوباما کے ادوار میں بھی انوائرمنٹ پروٹیکشن ایجنسی (ای پی اے)میں مختلف ذمہ داریاں نبھاتے رہے ہیں۔خیال رہے کہ نو منتخب امریکی صدر جو بائیڈن نے کئی محکموں کے لیے نامزدگیاں کر دی ہیں۔بائیڈن نے سابق امریکی جنرل لائیڈ آسٹن کو وزیرِ دفاع، اینٹنی بلنکن کو وزیرِ خارجہ، ہاویئر بسیرا کو وزیرِ صحت، پیٹ بٹیجج کو وزیر ٹرانسپورٹ نامزد کیا ہے۔
مقبول خبریں
عمران خان نے اسٹیبلشمنٹ سے بات کا کسی کو کوئی ٹاسک نہیں دیا’ شیخ...
اسلام آباد(این این آئی)پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے...
پاکستان اسٹاک ایکسچینج میں ملا جلا رجحان، 38 پوائنٹس کا اضافہ
کراچی (این این آئی)پاکستان اسٹاک ایکسچینج میں عید کی چھٹیوں کے بعد جمعرات کوتعطیلات کے بعد پہلے کاروباری دن ملا جلا رجحان دکھائی دے...
حماد اظہر نے پی ٹی آئی میں تمام عہدوں سے استعفیٰ دے دیا
لاہور(این این آئی)پاکستان تحریک انصاف پنجاب کے سیکریٹری جنرل اور قائم مقام صدر حماد اظہر نے پارٹی عہدے سے استعفیٰ دے دیا۔ حماد...
آئی ایم ایف ٹیم بجٹ کی تیاری کیلئے آج سے پاکستان کا دورہ کریگی
اسلام آباد(این این آئی) آئی ایم ایف کی ٹیم آئندہ مالی سال کے بجٹ کی تیاری کے سلسلے میں کل 4 اپریل سے پاکستان...
ممتاز صحافی، میڈیا ایڈوائزر اور سوشل ورکر سید مدثر خوشنود کی صحافتی اور سماجی...
دبئی(این این آئی) متحدہ عرب امارات کے معروف تجارتی ادارے این ایف ایل گروپ کی جانب سے ممتاز صحافی، میڈیا ایڈوائزر اور سوشل ورکر...