ر اولپنڈی(این این آئی) سابق خاصہ دار اور لیویز اہلکاروں کی تربیت کا پہلا مرحلہ مکمل ہوگیا ۔ آئی ایس پی آر کے مطابق پاک فوج اور فرنٹیر کور خیبر پختون خواہ کے تعاون سے سابق خاصہ دار اور لیویز اہلکاروں کو تربیت دی گئی۔ آئی ایس پی آر کے مطابق تربیت کا پہلا مرحلہ رواں سال ستمبر سے دسمبر تک جاری رہا، اس دوران 4000 اہلکاروں کو تربیت دی گئی۔ آئی ایس پی آر کے مطابق اہلکاروں کو انسداد دہشت گردی، پولیسنگ، کوییک ری ایکشن، بارودی سرنگوں اور دھماکہ خیز مواد سے متعلق تربیت دی گئی۔ اعلامیہ کے مطابق وزیر اعلی خیبر پختون خواہ، پاک فوج، فرنٹیر کور اور پولیس کے سینئر اہلکاروں تربیت کے مختلف مراحل کا جائزہ لیا۔ آئی ایس پی آر کے مطابق پولیس کی پاسنگ آئوٹ پریڈ کی تقریب کا انعقاد کورونا ایس و پیز کو ملحوظ خاطر رکھتے ہوئے کیا گیا،پاسنگ آئوٹ پریڈ میں پاس آئوٹ ہونے ولاے اہلکاروں کی فیملیز، پاک فوج، فرنٹیر کور ،اور پولیس کے سینئر اہلکاروں نے شرکت کی
