آکلینڈ(این این آئی)پاکستان شاہینزنے نیوزی لینڈ اے کو 89 رنز سے شکست دیدی ۔ تفصیلات کیمطابق دونوں ٹیموں کے مابین واحد چار روزہ میچ وانگرائے میں کھیلا گیا،298 رنز کے تعاقب میں نیوزی لینڈ اے کی پوری ٹیم 208 رنز بنا کر آؤٹ ہوگئی ،عماد بٹ اور نسیم شاہ نے 3،3 کھلاڑیوں کو پویلین کی راہ دکھائی ،یاسر شاہ نے دو سہیل خان اور محمد عباس نے ایک ایک وکٹ حاصل کی ،نیتھن اسمتھ نے 45 رنز بنائے ، کپتان مائیکل بریسویل اور جو کارٹر نے 30, 30 رنز بنائے ،پہلی اننگز میں پاکستان شاہینز کے 194 رنز کے جواب میں نیوزی لینڈ اے کی پوری ٹیم 226 رنز بنا کر آؤٹ ہوگئی تھی ،فواد عالم اور کپتان روحیل نذیر کی سنچریوں کی بدولت پاکستان شاہینز نے دوسری اننگز میں 329 رنز بنائے تھے۔
