اسلام آباد (این این آئی)پاکستان نے کنٹرول لائن پر اقوام متحدہ کے فوجی مبصر گروپ پر بھارتی حملے کا معاملہ اقوام متحدہ میں اٹھا لیا، اقوام متحدہ سے کہا گیا ہے کہ وہ یو این فوجی مبصر گروپ پر بھارتی فوج کی فائرنگ کی باقاعدہ مذمت کرے اور معاملے کی تحقیقات کرے۔ترجمان دفتر خارجہ کے مطابق اقوام متحدہ میں پاکستان کے مستقل مندوپ کی طرف سیاقوام متحدہ کے سیکرٹری جنرل اور سلامتی کونسل کے صدر کو خط لکھا گیا ، خط میں کہا گیا کہ بھارت کی طرف سے قوام متحدہ کے مبصرین اور ان کی گاڑی کو جان بوجھ کر نشانہ بنایا گیا، یو این گاڑیاں اپنے جھنڈے اور نشان کی بدولت دور ہی سے پہچانی جاتی ہیں، اقوام متحدہ بھارتی حملے کی مذمت کرے اور معاملے کی شفاف تحقیقات کرے، اقوام متحدہ اپنے فوجی مبصر گروپ کے استحکام اور بہتری کیلئے پاکستان کی کالز کا فوری جواب دے۔
