اسلام آباد (این این آئی)وفاقی وزیر سائنس اینڈ ٹیکنالوجی فواد چوہدری نے کہا ہے کہ مریم اور بلاول شوپیس ہیں ،فیصلے نواز شریف اور آصف زرداری نے کرنے ہیں، نہ لانگ مارچ ہوگا اور نہ استعفے بلکہ سارے اپنی تنخواہ میں کام کریں گے۔ٹوئٹر پر اپنے بیان میں وفاقی وزیر فواد چوہدری نے کہا کہ نواز شریف اور آصف زرداری اپنے مقدمات سے نکلنا چاہتے ہیں باقی کسی معاملے سے انکی دلچسپی نہیں۔انہوں نے کہا کہ بچوں سے مذاکرات کرکے کسی نے کیوں وقت ضائع کرنا ہے۔فواد چوہدری نے کہا کہ نہ لانگ مارچ ہوگا اور نہ استعفے بلکہ سارے اپنی تنخواہ میں کام کریں گے۔انہوں نے کہاکہ سیاست واپس معمول پر آ گئی ہے۔
