اسلام آباد(این این آئی)پاکستان میں کورونا سے ایک روز میں مزید 82 اموات ہو گئیں۔سرکاری اعداد و شمار کے مطابق ملک بھر میں گزشتہ 24 گھنٹوں میں کورونا وائرس کے 34 ہزار 594 ٹیسٹ کیے گئے جس میں سے ایک ہزار 704 کے نتائج مثبت آئے جبکہ 82 افراد اس وائرس کے باعث انتقال کرگئے جبکہ مزید ایک ہزار 852 مریض صحتیاب ہوگئے۔واضح رہے کہ گزشتہ 2 روز سے کورونا کے یومیہ کیسز کی تعداد کم دیکھی گئی ہے۔اب تک ملک میں کورونا وائرس کے مجموعی کیسز کی تعداد 4 لاکھ 60 ہزار 672 ہوگئی جس میں سے 4 لاکھ 10 ہزار 937 صحتیاب ہوئے ہیں جبکہ 9 ہزار 474 کا انتقال ہوا ہے جبکہ فعال کیسز کی مجموعی تعداد 40 ہزار 261 ہے۔
