لاس اینجلس (این این آئی)آنجہانی پاپ گلوکار مائیکل جیکسن کی کیلی فورنیا میں جائیداد فروخت کردی گئی،نیور لینڈ نامی محل میں چھوٹا سا چڑیا گھر اور تھیم پارک بھی بنایا گیا تھا۔گزشتہ ماہ امریکی شہر لاس اینجلس کی ایک اعلی عدالت نے اپنے فیصلے میں کہا تھا کہ پاپ اسٹار مائیکل جیکسن کے والد جو جیکسن اپنے بیٹے کے کسی بھی اثاثے کے حق دار نہیں ہیں۔ جیکسن نے اپنی درخواست میں کہا تھا کہ ان کی کوئی باقاعدہ آمدنی نہیں ہے اور گزشتہ کئی برسوں سے وہ اپنے بیٹے کے پیسوں پر جیتے رہے ہیں جو انہیں ان کی بیوی کیتھرین کے ذریعے ملتے ہیں۔دوسری جانب مائیکل جیکسن کی اچانک موت کے بعد ان کے وصیت نامہ میں یہ بات سامنے آئی تھی کہ انہوں نے اپنے باپ کو جائیداد سے علیحدہ رکھا تھا لیکن اپنی ماں اور بچوں کا وصیت میں ذکر کیا تھا۔چند ماہ قبل عدالت نے ان کی ماں کیتھرین جیکسن اور بچوں کے لیے ماہانہ وظیفہ منظور کیا تھا۔
