لاہور( این این آئی)نامورگلوکار عارف لوہار نے کہا ہے کہ مجھے اپنی ثقافت سے بے حد لگائو ہے اور میری گائیگی کے انداز میں اس کی جھلک بھی واضح ہوتی ہے ،بیرون ممالک میں کبھی بھی بھیس بدلنے کی کوشش نہیں کی اور ہمیشہ پاکستانیت کا پرچم بلند کیا ہے ۔ خصوصی گفتگو کرتے ہوئے عارف لوہار نے کہا کہ پاکستان کی ثقافت ایسی نہیں کہ اسے اپناتے ہوئے کوئی عارمحسوس ہو ۔میرا دعویٰ ہے کہ جو بھی غیر ملکی پاکستان کی ثقافت کے رنگ دیکھتا ہے وہ اس کا دیوانہ ہو جاتا ہے اوراس کی کئی مثالیں موجود ہیں
