کراچی (این این آئی)ادارہ شماریات نے مہنگائی کے حوالے سے ہفتہ وار رپورٹ جاری کر دی جس کے مطابق ملک میں ایک ہفتے میں مہنگائی میں 0.11 فیصد اضافہ ہوگیا۔ادارہ شماریات کی جانب سے جاری کی گئی مہنگائی کے حوالے سے ہفتہ وار رپورٹ کے مطابق ایک ہفتے میں 20 اشیا ضروریہ مہنگی ہوگئیں جبکہ چینی اور آٹے کی قیمتوں میں بھی اضافہ ہوا ،چینی اوسط 13 پیسے فی کلو مزید مہنگی ہو گئی اور چینی کی اوسط قیمت بڑھ کر 82 روپے 6 پیسے فی کلو ہوگئی جبکہ آٹے کا 20 کلو تھیلا 5 روپے 53 پیسے مہنگا ہوگیا۔رپورٹ میں مزید کہا گیا کہ ایک ہفتے میں ٹماٹر 8 روپے 29 پیسے فی کلو مہنگا ہوا جبکہ انڈے فی درجن 6 روپے 26 پیسے مزید مہنگے ہوئے،ایل پی جی کا گھریلو سلنڈر 19 روپے 86 پیسے مہنگا ہوا۔ادارہ شماریات کی رپورٹ میں مزید کہا گیا کہ حالیہ ہفتے 10 اشیا کی قیمتوں میں کمی ہوئی،آلو 6 روپے 71 پیسے، پیاز3 روپے 95 پیسے فی کلو سستا ہوا جبکہ مرغی 15 روپے68پیسے فی کلو سستی ہوئی،ایک ہفتہ میں دال مسور 3 روپے 3 پیسے فی کلو سستی ہوئی۔دوسری جانب حالیہ ہفتے میں 21 اشیا کی قیمتوں میں استحکام رہا۔
