سرگودھا(این این آئی)وزیراعلیٰ پنجاب کی معاون خصوصی برائے اطلاعات فردوس عاشق اعوان نے کہا کہ پی ڈی ایم کا شیرازہ بکھرنے کے قریب ہے۔ڈاکٹر فردوس عاشق اعوان نے اپنے ایک بیان میں کہا ہے کہ جعلی راجکماری، شہزادہ اور مولانا میں ”اٹ کھڑکا”کا وقت آگیا ہے۔پوری قوم عقل سے عاری اس ٹولے کے درمیان جلدجوتوں میں دال بٹتا دیکھے گی۔معاون خصوصی وزیراعلی نے کہا کہ استعفوں کا شوشا بھی ان کے گلے کی ہڈی بن چکا ہے۔اب یہ عناصر استعفے نگل سکتے ہیں نہ اگل سکتے ہیں۔انہوں نے کہا کہ پچھتاوا ان کا مقدر بن چکا ہے ۔کرپشن کے بدنام زمانہ عناصر کو صرف رسوائی ملے گی۔ملک میں عدم استحکام پیدا کرنے والوں کو منہ کی کھانا پڑے گی۔ڈاکٹر فردوس عاشق نے کہا کہ وزیر اعظم عمران خان اور وزیر اعلی پنجاب سردار عثمان بزدار کی قیادت میں خدمت کا سفر نہیں رکے گا۔افراتفری کی سیاست کا جواب صرف عوام کی بے لوث خدمت ہے۔
