اسلام آباد (این این آئی)وزیر خارجہ شاہ محمود قریشی نے کہا ہے کہ ہمارے پاس ٹھوس شواہد موجود ہیں کہ ہندوستان پاکستان میں دہشت گردوں کی پشت پناہی کر رہا ہے ،پاکستان کی افواج دہشتگروں کا بھر پور مقابلہ کر رہی ہے، ملکی سلامتی کے حوالے سے نیشنل ایکشن پلان کے مطابق افواج پاکستان کے ساتھ کھڑے ہونگے ،سوال کرتا ہوں لاڑکانہ جلسے میں مولانا فضل الرحمن کیوں نہیں آئے؟ پہلے دن سے کہ رہا ہوں پی ڈی ایم کی صفوں میں واضح دراڑ نظر آرہی ہے،مفادات کی بنیاد پر بننے والا پی ڈی ایم جلد اپنے انجام کو پہنچتا نظر آرہاہے ۔و زیر خارجہ شاہ محمود قریشی نے میڈیا سے گفتگو کرتے ہوئے کہاکہ بھارت پاکستان کو غیر مستحکم کرنے کی سازش کررہا ہے۔ انہوں نے کہاکہ ہمارے پاس ٹھوس شواہد موجود ہیںکہ ہندوستان پاکستان میں دہشت گردوں کی پشت پناہی کر رہا،عالمی برادری کو آگاہ کیا کہ ہندوستان پاکستان کو غیر مستحکم کرنے کی سازشیں کر رہاہے ۔ انہوں نے کہاکہ ہندوستان سی پیک کو ناکام بنانے کیلئے اربوں روپے مختص کئے ہیں ،ہندوستان افغانستان کے امن مشن میں بھی رخنہ ڈالنے کی کوشش کر رہاہے۔انہوں نے کہاکہ پاکستان کی افواج دہشتگروں کا بھر پور مقابلہ کر رہی ہے، ملکی سلامتی کے حوالے سے نیشنل ایکشن پلان کے مطابق افواج پاکستان کے ساتھ کھڑے ہونگے ۔ انہوں نے کہاکہ میں سوال کرتا ہوں لاڑکانہ جلسے میں مولانا فضل الرحمن کیوں نہیں آئے؟ پہلے دن سے کہ رہا ہوں پی ڈی ایم کی صفوں میں واضح دراڑ نظر آرہی ہے۔ شاہ محمود قریشی نے کہاکہ پیشن گوئی کر رہا ہوں مفادات کی بنیاد پر بننے والا پی ڈی ایم جلد اپنے انجام کو پہنچتا نظر آرہاہے ۔ وزیر خارجہ نے کہاکہ پی ڈی ایم سے پوچھتا ہوں کہ وہ استعفے کب دیں گے ، لاہور اور لاڑکانہ کی سڑکوں پر ایک دوسرے کو گھسیٹنے کے اعلان کرنے والے ایک دوسرے کے گھروں کے مہمان بن گئے۔ انہوں نے کہاکہ ذوالفقار علی بھٹو اور بی بی شہید کی روح کوتکلیف پہنچ رہی ہوگی۔ انہوں نے کہاکہ کرپشن اور لوٹی ہوئی دولت کو تحفظ دینے کیلئے پی پی ن لیگ ایک ہو گئے ہیں ۔
مقبول خبریں
میرواعظ عمرفاروق کا ایرانی صدر کے جاں بحق ہونے پر اظہار تعزیت
سرینگر(این این آئی) غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس کے سینئر رہنما میرواعظ عمر...
سعودی وزیرخارجہ کے ایران کے نئے ہم منصب سے رابطہ،ہیلی کاپٹر حادثے پر اظہارافسوس
تہران(این این آئی)سعودی عرب کے وزیرخارجہ شہزادہ فیصل بن فرحان نیایران کے نئے وزیر خارجہ علی باقری کنی کے ساتھ ٹیلی فون پر بات...
سعودی عرب قیادت کی طرف سے ایرانی صدر کی وفات پر اظہار افسوس
ریاض(این این آئی)سعودی عر ب کے خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے ایرانی صدر...
سعودی عرب دنیا کی اہم ترین طاقت ہے، چینی سفیر
ریاض (این این آئی)چینی سفیر چانگ ہو نے کہاہے کہ سعودی عرب دنیا کی اہم ترین طاقت ہے۔ سعودی عرب میں چینی سفیر چانگ...
ایران میں 28جون کو انتخابات کرانے کا اعلان
تہران(این این آئی)ایران کے عبوری صدر محمد مخبر نے صدارتی انتخابات 28 جون کو کرانے کا فیصلہ کیا ہے۔غیرملکی خبررساں ادارے کے مطابق ایران...