اسلام آباد (این این آئی) وفاقی وزیر اطلاعات ونشریات سینیٹر شبلی فراز نے کہا ہے کہ کسی بھی سیاسی رابطے کی ہم مخالفت نہیں کریں گے ، پی ڈی ایم جن ایشوز پربات کرنا چاہتی ہے اس پر بات نہیں ہوگی ،اپوزیشن سے کہا ہے پارلیمنٹ میں آئیں، سارے مسائل پروہیں بات کریں گے، مریم نواز اوربلاول وزیراعظم کوبلیک میل کرنے کی کوشش کررہے ہیں، مریم نواز کی کریڈیبلٹی کیا ہے،جھوٹ پر جھوٹ بولتی ہیں۔ ایک انٹرویومیں وزیر اطلاعات نے کہاکہ کسی بھی سیاسی رابطے کی ہم مخالفت نہیں کریں گے،اپوزیشن سے کہا ہے پارلیمنٹ میں آئیں، سارے مسائل پروہیں بات کریں گے۔ انہوں نے کہاکہ مریم نواز کامسئلہ یہ ہے ارجنٹائن میں کوئی فٹبال میچ ہار جائے تو ذمہ دار عمران خان ہے۔ ایک سوال پر انہوں نے کہاکہ جیل میں ملاقات کیلئے حکومت ہی سہولت دیتی ہے، انہوںنے کہاکہ جی ڈی اے کی اپنی سیاست ہے، وہ کچھ کرتے ہیں تو ان کا مسئلہ ہے،محمد علی درانی نے شہباز شریف سے ملاقات کی ہے تو ان کے تعلقات ہوں گے۔ انہوں نے کہاکہ مقصد کے حصول کیلئے سردی گرمی نہیں دیکھی جاتی، اپوزیشن نے سردی کی وجہ سے پروگرام ملتوی کردیا، یہ سوچنے والی بات ہے۔ وزیر اطلاعات نے کہاکہ مریم نواز کی کریڈیبلٹی کیا ہے،جھوٹ پر جھوٹ بولتی ہیں۔ ایک سوال پر انہوں نے کہاکہ ہم نے مذاکرات کیلئے کوئی رابطہ نہیں کیا،پی ڈی ایم کے ساتھ بھی بات چیت کرنا چاہتے ہیں تاہم پی ڈی ایم جن ایشوز پربات کرنا چاہتی ہے اس پر بات نہیں ہوگی ۔ انہوں نے کہاکہ ہماری کسی سے ذاتی دشمنی نہیں ہے،یہ صرف وقت چاہتے ہیں۔ انہوں نے کہاکہ یہ لوگ بری طرح ناکام ہوں گے،جس طرح جلسے ناکام ہوئے۔ انہوں نے کہاکہ مریم نواز اوربلاول وزیراعظم کوبلیک میل کرنے کی کوشش کررہے ہیں۔
