لاہور( این این آئی )برطانوی تھنک ٹینک سینٹر فار اکنامک اینڈ بزنس ریسرچ کی رپورٹ کے مطابق چین کی معیشت امریکہ کو پیچھے چھوڑتے ہوئے 2028 تک دنیا کی سب سے بڑی معیشت بن جائے گی۔برطانوی تھنک ٹینک سنٹر فار اکنامک اینڈ بزنس ریسرچ کی سالانہ رپورٹ کے مطابق کورونا کی عالمی وبا ء سے پیدا ہونے والی معاشی صورتحال سے چین کو فائدہ پہنچا، چین نے امریکہ کے مقابلے میں کورونا وائرس سے بہتر انداز میں نمٹنے کے باعث اپنی معیشت کو بھی جلد بحال کیا۔رپورٹ کے مطابق معاشی اندازے کے تحت چین نے 2033 تک دنیا کی بڑی معیشتوں کو شکست دینا تھی لیکن کورونا کے بعد پیدا ہونے والی صورتحال کے باعث چین کی معیشت 2028 تک دنیا کی سب سے بڑی معیشت بن جائے گی۔تھنک ٹینک کا کہنا ہے کہ چین نے جلدی اور اور سخت لاک ڈائون لگا کر انتہائی ماہرانہ انداز میں وبا ء سے نمٹا ہے جبکہ مغربی ممالک کی معیشت پر پڑنے والے دو ر رس منفی اثرات کا مطلب ہے کہ چین کی معاشی کارکردگی میں قدرے بہتری آئی ہے۔رپورٹ کے مطابق چین نے 2012 سے 2025 کے درمیان 5.7 فیصد کی اقتصادی ترقی کا اندازہ لگایا تھا اس کے برعکس 4.5 فیصد کی ترقی ہوسکی تھی۔تھنک ٹینک کا اپنی رپورٹ میں کہنا ہے کہ سال 2022 سے 2024 کے درمیان امریکہ کی معاشی ترقی سست روی کا شکار ہوتے ہوئے 1.9 فیصد رہے گی جبکہ 2030 کی دہائی کے آغاز میں جاپان دنیا کی تیسری بڑی معیشت رہے گا جس کے بعد بھارت کی معیشت جاپان کی جگہ لیتے ہوئے تیسری بڑی معیشت بن جائے گی۔رپورٹ میں کہا گیا ہے کہ سال 2024 سے برطانیہ کی معیشت پانچویں نمبر سے چھٹے نمبر پر آ جائے گی جبکہ جرمنی چوتھے سے پانچویں نمبر پر براجمان ہوگا۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...