لاہور (این این آئی) وزیراعلی پنجاب کی معاون خصوصی اطلاعات فردوس عاشق اعوان نے کہا ہے کہ ملاح کے بغیر پی ڈی ایم کی کشتی بیچ منجدھار غوطہ زن ہے، سیاسی بیروزگار ٹولے کے نام نہاد رہنما کا گڑھی خدابخش نہ آنا شدید اندرونی اختلافات کی داستانِ غم بیان کرتا ہے۔وزیراعلی پنجاب کی معاون خصوصی اطلاعات فردوس عاشق اعوان نے اپنے ٹویٹ میں کہاکہ ملاح کے بغیر پی ڈی ایم کی کشتی بیچ منجدھار غوطہ زن ہے۔ سیاسی بیروزگار ٹولے کے نام نہاد رہنما کا گڑھی خدابخش نہ آنا شدید اندرونی اختلافات کی داستانِ غم بیان کرتا ہے۔ بلاول کی تقریر کے دوران پنڈال خالی ہوجانا ثابت کرتا ہے کہ بچے کی اقتدار کیکھلونے سے کھیلنے کی ضد کو گڑھی خدابخش آنیوالوں نے بھی پذیرائی نابخشی۔انہوں نے مزید کہا کہ سندھ میں مسلسل تیسری بار اقتدار اور کارکردگی صرف پاپڑ، فالودے والوں کے جعلی اکانٹ تک محدود ہے۔ شہزادہ جتنا بھی چیخے اربوں کا حساب دینا ہوگا۔ وزیراعظم عمران خان کا پاکستان اور عوام سے جڑا مضبوط رشتہ گڈی گڈے کیلئے ڈرانا خواب ہے۔ مایوسیوں کے اندھیروں میں بھٹکتی راجکماری اور شہزادہ اپنا سیاسی قد بڑھانے کیلئے کپتان پر لاحاصل تنقید کررہے ہیں۔
