مائونٹ منگوئی (این این آئی)نیوزی لینڈ ٹیم کے کپتان کین ولیمسن نے کہا ہے کہ پاکستان ٹیم کو آخری روز تک کھیلنے پر کریڈٹ جاتا ہے۔ کرکٹر کین ولیمسن نے پاکستان کے خلاف ٹیسٹ میچ جیتنے پر کہا ہے کہ ہماری توجہ موجودہ وقت پر ہے، ہم ورلڈ ٹیسٹ چمپئن شپ کا فائنل کھیلنا چاہتے ہیں،نیوزی لینڈ کپتان کین ولیمسن نے کہا کہ پاکستان کی ٹیم نے بھی اچھا میچ کھیلا ہے۔ اس قبل قومی کرکٹ ٹیم کے کپتان محمد رضوان نے کہا کہ نیوزی لینڈ نے ہم سے زیادہ اچھا کھیلا اور جیت گئے۔ابتدا میں وکٹیں حاصل کرنے کے لیے اچھی فیلڈنگ کرنا اہم ہے، شکست سے زیادہ مایوس نہیں، یہ ٹیسٹ کرکٹ کا حسن ہے۔کپتان محمد رضوان نے مائونٹ منگنوئی ٹیسٹ میں میزبان ٹیم نیوزی لینڈ سے شکست کے بعد کہا کہ نیوزی لینڈ نے پورا ٹیسٹ میچ اچھا کھیلا، ہم ابھی بھی سیریزمیں ہیں، ہم نے برا نہیں کھیلا۔نیوزی لینڈ نے پاکستان کو 101 رنز سے ہرا دیاواضح رہے کہ مائونٹ منگنوئی ٹیسٹ میں میزبان ٹیم نیوزی لینڈ نے پاکستان کو101رنز سے شکست دیدی ہے۔
