اسلام آباد (این این آئی) مسلم لیگ (ن )کے اراکین قومی اسمبلی مرتضیٰ جاویدعباسی اور ڈاکٹر محمد سجاد اعوان کے استعفوں کے معاملے پر اسپیکر قومی اسمبلی اسد قیصر نے رولنگ دیتے ہوئے کہاکہ دونوں اراکین نے استعفوں کی تصدیق نہیں کی اور اراکین نے اپنے استعفوں کو جعلی قرار دیا،موصول ہونے والے استعفے متعلقہ ممبران کے ثابت نہیں ہوسکے ۔اسد قیصر نے کہاکہ استعفوں پر کارروائی قانون ، قواعد ، گائید لائنز اور سپریم کورٹ کے فیصلے کی روشنی عمل میں لائی گئی ،استعفوں کی تصدیق نہیں ہو سکی لہذا ان پر مزید کاروائی کی ضرورت نہیں، مسلم لیگ ن کے اراکین قومی اسمبلی مرتضیٰ جاوید اور ڈاکٹر محمد سجاد اعوان کے استعفے اْن کے سرکاری لیٹر ہیڈ پیڈ پر 14دسمبر 2020کو قومی اسمبلی سیکرٹریٹ کو موصول ہوئے تھے۔
