نیو یارک (این این آئی)دنیا بھر میں موجود باہمت اور متاثر کر دینے والی خواتین شخصیات کی ڈاکومنٹریز نشر کے لئے تیار ہے جس کی ایگزیکٹو پروڈیوسر اسرائیلی اداکارہ گال گیڈٹ ہیں۔غیرملکی میڈیا کے مطابق ڈاکومنٹری سیریز کا نام ‘امپیکٹ’ ہے جو کہ مشہور چینل نیشنل جیوگرافک سے نشر کی جائیگی۔ اس ڈاکومنٹری سیریز میں دنیا کے مختلف حصوں میں موجود مشکل حالات کا مقابلہ کرنے والی نوجوان خواتین کی زندگی کے بارے میں دکھایا جائے گا۔اداکارہ اور ایگزیکٹو پروڈیوسر گال گیڈٹ نے اس ڈاکومنٹری سیریز کا ٹیزر اپنے انسٹاگرام اکائونٹ پر شیئر کیا اور تفصیلات کے بارے میں بھی بتایا۔گال گیڈٹ نے وڈیو پیغام میں کہا کہ یہ ڈاکومنٹری سیریز بہت ہی مضبوط ہے جس میں حیرت انگیزا ور غیر معمولی خواتین کی کہانیاں دکھائی جائیں گی جنہوں نے واقعی اپنی کمیونٹی میں اثرات مرتب کئے۔دوسری جانب حال ہی میں اداکارہ کی ریلیز ہونے والی ہالی وڈ فلم ونڈر وومن 1984ء نے دنیا بھر میں 100 ملین ڈالر ز کما لئے ہیں۔
