پشاور (این این آئی) جمعیت علماء اسلام (ف) کے رہنما مفتی کفایت اللّٰہ کے آبائی گھربفہ ترنگڑی میں پولیس نے چھاپا مارا مفتی کفایت اللہ کے بھائی ، بہنوئی اور دو بیٹوں کو گرفتار کرلیا ۔ تفصیلات کے مطابق مفتی کفایت اللّٰہ کے خاندانی ذرائع نے دعویٰ کیا کہ پولیس نے مفتی کفالت اللّٰہ کے بھائی، بہنوئی اور 2بیٹوں کو حراست میں لے لیا۔مفتی کفایت اللّٰہ کے خاندانی ذرائع نے بتایا کہ پولیس کارروائی کے دوران مفتی مفتی کفایت اللّٰہ گھر پر موجود نہیں تھے۔دوسری جانب ڈی پی او صادق بلوچ نے واقعے کی تصدیق یا تردید سے انکار کردیا ہے۔
