جنوبی کوریا میں شرح پیدائش سے زیادہ شرح اموات

پیانگ یانگ(این این آئی)جنوبی کوریا میں سال 2020 میں شرح پیدائش سے زیادہ شرح اموات نے حکام کو پریشان کردیا ہے۔میڈیارپورٹس کے مطابق جنوبی کوریا کی تاریخ میں پہلی بار گزشتہ برس کے دوران شرح اموات شرح پیدائش سے بڑھ گئی ہے جس نے خطرے کی گھنٹی بجا دی۔سال2020 میں 2 لاکھ 75ہزار800 بچے پیدا ہوئے جو سال2019 کی نسبت10 فیصد کم ہیں۔ جنوبی کوریا میں 2020 کے دوران تقریبا 3 لاکھ7 ہزار764 اموات ہوئی ہیں۔گزشتہ ماہ حکومت نے آبادی بڑھانے کیلئے کچھ اعلانات کیے تھے میں مالی معاونت بھی شامل تھا۔ اس اسکیم کے تحت2022 میں پیدا ہونے والے بچوں کو ماہانہ2 لاکھ وان ملیں گے جو ا سکی پرورش پر خرچ ہوں گے۔سال2025 کے بعد ہر بچے کی پیدائش پر5 لاکھ وان دیئے جائیں گے۔ سال2018 کے اعدادوشمار کے مطابق جنوبی کوریا کی آبادی5 کروڑ64 لاکھ تھی۔