راولپنڈی (این این آئی)کور کمانڈز کانفرنس نے کشمیرکے یوم حق خودارادیت کی مکمل حمایت کااعادہ اور کشمیریوں سے مکمل اظہاریکجہتی کااظہارکرتے ہوئے کہاہے کہ مسئلہ کشمیرکاحل کشمیریوں کی خواہش کے مطابق ہوگا، قومی کوششوں سے خطرات کومکمل شکست دی جاسکتی ہے، تمام فریقین کواپنابامقصدکرداراداکرناہوگا۔ آئی ایس پی آر کے مطابق آرمی چیف جنرل قمر جاوید باجوہ کی زیرصدارت کورکمانڈرزکانفرنس ہوئی جس میں علاقائی،ملکی سیکیورٹی صورتحال کاجائزہ لیاگیا۔ڈی جی آئی ایس پی آر میجر جنرل بابر افتخار کے مطابق اجلاس میں سرحدوں کی صورتحال،داخلی سیکیورٹی،پیشہ ورانہ دلچسپی کے امورپرگفتگو کی گئی ۔شرکاء نے سرحدوں کی صورتحال، اندرونی امن و امان اور فوج سے متعلق پیشہ وارانہ امور کا تفصیلی جائزہ لیا۔ کانفرنس کے شرکاء نے کشمیرکے یوم حق خودارادیت کی مکمل حمایت کااعادہ اور کشمیریوں سے مکمل اظہاریکجہتی کااظہارکرتے ہوئے کہاکہ مسئلہ کشمیرکاحل کشمیریوں کی خواہش کے مطابق ہوگا۔شرکاء نے کہاکہ بھارتی فورسز کے مظالم کشمیریوں کی جدوجہد نہیں دبا سکے، اقوام متحدہ کی قراردادوں کے مطابق کشمیریوں کی حمایت جاری رکھی جائے گی ، انشاء اللہ کشمیری کامیاب ہونگے ۔ ڈی جی آئی ایس پی آر کے مطابق کانفرنس کے شرکاء نے افغانستان میں امن عمل میں پیشرفت پراطمینان کااظہارکرتے ہوئے کہا کہ قومی کوششوں سے خطرات کومکمل شکست دی جاسکتی ہے،معاشرے کے تمام فریقین کواپنابامقصدکرداراداکرناہوگا۔ آرمی چیف جنرل قمر جاوید باجوہ نے خطاب کرتے ہوئے کہاکہ ہرسطح پربہترین صلاحیت سے تمام چیلنجزسے نمٹاجاسکتاہے،قومی اداروں کے تمام عناصرکودرپیش چیلنجزسے نمٹنے کیلئے کرداراداکرناہوگا۔ ڈی جی آئی ایس پی آر کے مطابق کانفرنس میں کوروناسے نمٹنے سے متعلق اقدامات پربھی گفتگو کی گئی ۔ ڈی جی آئی ایس پی آر کے مطابق شرکانے امن کیلئے قربانیاں دینے والے شہداکوبھرپورخراج عقیدت پیش کرتے ہوئے کہاکہ شہداکی قربانیاں رائیگاں نہیں جائیں گی۔ شرکاء نے واضح کیا کہ دہشتگردوں اوران کے سہولت کاروں کوہرقیمت پرشکست دیں گے۔
مقبول خبریں
ماڈل حمیرا اصغر کی موت 8 ماہ قبل ہوئی، پوسٹ مارٹم رپورٹ
کراچی (این این آئی)کراچی کے علاقے ڈیفنس کے ایک فلیٹ سے ملی ماڈل حمیرا اصغر کی لاش کے پوسٹ مارٹم نے سنسنی خیز انکشاف...
اسٹار کڈز کو دباؤ کا سامنا ہے،اداکارہ کاجول
ممبئی (این این آئی)بالی ووڈ کی کامیاب اداکارہ کاجول کا کہنا ہے کہ ابراہیم علی خان اور دیگر اسٹار کڈز کو اسکرین پر خود...
یوٹیوب کی نئی پالیسی، پاکستانی یوٹیوبرز کیلئے خطرے کی گھنٹی بج گئی
نیویارک (این این آئی)یوٹیوب کی نئی مونیٹائزیشن پالیسی کے تحت غیر مستند اور اے آئی سے بنے مواد پر مونیٹائزیشن خطرے میں پڑگئی۔یوٹیوب نے...
وزیراعظم شہباز شریف سے مولانا اسعد محمود کی ملاقات، ملک میں حالیہ معاشی استحکام...
اسلام آباد (این این آئی)وزیراعظم محمد شہباز شریف سے سابق وفاقی وزیر اور جمیعت علماء اسلام (ف)کے سینئر رہنما مولانا اسعد محمود نے...
وفاقی وزیرِ خزانہ کی پاکستان بزنس کونسل کے وفد کی ملاقات میں پالیسی سازی...
اسلام آباد (این این آئی)وفاقی وزیر خزانہ سینیٹر محمد اورنگزیب سے پاکستان بزنس کونسل کے وفدنے سی ای او احسن ملک اور نامزد سی...