لندن /واشنگٹن (این این آئی)امریکا میں چوبیس گھنٹوں میں کوروناوائرس کے پانچ سو سے زائد مریض ہلاک ہو گئے جس کے بعد امریکا میں کل ہلاکتیں 3 لاکھ 82 ہزار سے بڑھ گئیں۔غیرملکی خبررساں ادارے کے مطابق برطانیہ میں 550 سے زائد افراد کورونا وائرس سے چل بسے، جہاں پر تعداد81 ہزار سے بڑھ گئی اور 55 ہزار نئے کیس رپورٹ ہوئے۔برطانوی وزیر صحت میٹ ہینکوک نے کہا کہ موسم خزاں تک ہر بالغ شخص کو کورونا ویکسین لگادی جائیگی، لوگوں کو لاک ڈاون ہدایات پر عمل کرنا چاہئے۔
