اسلام آباد (این این آئی) پاکستان پیپلز پارٹی کی نائب صدر شیری رحمن نے کہاہے کہ ملک میں بجلی بحال کرنے سے پہلے بجلی کی قیمتوں میں اضافے کا اعلان شرمناک عمل ہے۔ اپنے بیان میں شیری رحمان نے کہاکہ تباہی سرکار نے ملک کو اندھیروں میں ڈوبو دیا ہے، 36 گھنٹوں کے بعد بھی بجلی مکمل بحال نہ ہوسکی ہے۔شیری رحمان نے کہاکہ چند افسران کی نہیں وزراء کی معطلی ہونی چاہئے، نااہل سرکار سے کوئی ایک شعبہ بھی نہیں چلایا گیا۔ انہوںنے کہاکہ حالیہ اضافے سے عوام پر 8 ارب 48 کروڑ روپے کا اضافی بوجھ ڈالا جا رہا، فیول ایڈجسٹمنٹ کی مد میں ہر ماہ عوام سے ارب ون روپے لوٹے جاتے، لوٹ مار سرکار عوام پر بوجھ بن چکی ہے، فیول ایڈجسٹمنٹ کے نام پر عوام سے لوٹ مار قابل مذمت ہے۔
