اسلام آباد (این این آئی) وزیر اعظم کے مشیر برائے پارلیمانی امور ڈاکٹر بابر اعوان نے کہاہے کہ احتساب کے ادارے کو موٹا تالالگا کر چابی کسی اور کے حوالے نہیں کی جائیگی،قانون سب کیلئے برابر ہونا چاہیے،کسی بھی ملک لوٹنے والے کو ملک سے باہر نہیں رہنے دیناہے،لاء ریفارمز،جسٹس سسٹم، جج کے تقرری کے ریفارمز، بچوں جنسی جرائم روکنے کیلئے ریفارمز کرنے کیلئے تیار ہیں۔ جمعہ کو سینٹ میں اظہار خیال کرتے ہوئے بابر اعوان نے کہاکہ کمیٹیاں پارلیمنٹ کا حصہ ہے، پارلیمنٹ سے الگ نہیں،پارلیمنٹ کی کمیٹیاں تمام حکام کو بلاسکتی ہیں۔ انہوںنے کہاکہ پارلیمنٹ کوئی حکم جاری نہیں کرسکتی اور نہ ہی عدالت قانون بنا سکتی ہے۔ انہوںنے کہاکہ کسی کی موت کی تحقیقات بھی ڈاکٹرز اورتفتیشی اداروں کی بجائے پبلک اکائونٹس کمیٹی کریگی۔ انہوںنے کہاکہ نیب قانون جب سے بنا ہے اس وقت سے لیکر حکومتوں نے ترامیم کی کوشش نہیں کی گئی،جب عمران خان کی حکومت نے ایک آرڈیننس جاری کیا،روزمرہ کے امور اور کک بیکزکے حصول کو علیحدہ کیا گیا،آج ملک کی معیشت درست سمت پر گامزن ہو گئی ہے،وہ آرڈیننس کمیٹی کے پاس نہ گیا مگر تڑپتا رہ گیا،وہ آرڈیننس مگر گیامگر کسی نے ہاتھ نہ لگایا،ہم لاء ریفارمز،جسٹس سسٹم، جج کے تقرری کے ریفارمز، بچوں جنسی جرائم روکنے کیلئے ریفارمز کرنے کیلئے تیار ہیں،وہ صورتحال میں جانے کیلئے تیارنہیں۔ انہوںنے کہاکہ پانامہ کیس میں پانچ ادارے سپریم کورٹ کیساتھ کھڑے تھے،احتساب کے ادارے کو موٹا تالالگا کر چابی کسی اور کے حوالے نہیں کی جائیگی
