پاکستان پیپلزپارٹی نے براڈ شیٹ معاملہ پر تحقیقاتی کمیٹی کی تشکیل کو مسترد کردیا

0
409

اسلام آباد (این این آئی) پاکستان پیپلزپارٹی نے براڈ شیٹ معاملہ پر تحقیقاتی کمیٹی کی تشکیل کو مسترد کردیا۔ اپنے بیان میں نیئر حسین بخاری نے کہاکہ براڈشیٹ معاملے کی تحقیقات عوام کی آنکھوں میں دھول جھونکنے کے مترادف ہے۔ انہوںنے کہاکہ کمیٹی سربراہ کی تعیناتی سے حکومت کی بد دیانتی سامنے آ چکی ہے،جسٹس ر شیخ عظمت سعید کو سربراہ بنانے کا مقصد تمام ملبہ اپوزیشن اور سابقی حکومتوں پر گرانا ہے ۔ انہوںنے کہاکہ شیخ عظمت سعید نیب کے پراسیکیوٹر رہ چکے ہیں جبکہ شوکت خانم کے بورڈ آف گورنرز کے رکن ہیں،پیپلزپارٹی تحقیقاتی کمیٹی پر اپنے تحفظات کا اظہار کرتی ہے۔ انہوںنے کہاکہ براڈشیٹ انتہائی اہم معاملہ ہے، شفاف طریقے سے معاملے کی تحقیقات چاہتی ہے۔