ممبئی(این این آئی) بالی ووڈ اداکار ورون دھون کی اپنی دیرینہ دوست اور فیشن ڈیزائنر نتاشا دلال کی شادی کے بندھن میں بندھ گئے جن کی تصاویر بھی منظر عام پر آگئی ہیں۔بھارتی میڈیا رپورٹس کے مطابق بالی ووڈ کے نامور ہدایت کار ڈیوڈ دھون کے صاحبزادے اور نوجوانوں کے پسندیدہ اداکار ورون دھون کی اپنی دیرینہ دوست نتاشا دلال کی شادی کی تقریب مہاراشٹرا کے علی باغ میں ایک پرتعیش فائیو اسٹار ہوٹل ”دی مینشن ہاؤس” میں منعقد ہوئیں جہاں قریبی دوستوں اور رشتہ داروں کی موجودگی میں شادی کی تمام رسمیں ادا کی گئیں۔شادی کی تقریب میں فیشن ڈیزائنر نتاشا دلال نے اپنے ہی ڈیزائن کردہ ملبوسات پہننے کو ترجیح دی تاہم اداکار ورون دھون نے اپنی بیگم کے ڈیزائن کردہ ملبوسات پہننے کے بجائے بالی ووڈ کے معروف ڈیزائنر منیش ملہوترا کے ڈیزائن کردہ لباس پہنا۔دوسری جانب اداکار ورون دھون نے اپنے انسٹاگرام کے اکاؤنٹ پر شادی کی مختلف تصاویر شیئر کی جن میں رشتہ داروں کے سامنے نتاشا کے ہاتھوں میں ہاتھ ڈالے پھیرے لیتے ہوئے دکھائی دے رہے ہیں۔اداکار ورون دھون نے تصاویر کے کیپشن میں لکھا ” زندگی بھر کی محبت اب زندگی کا حصہ بن گئی”
