لاہور( این این آئی)وزیر اعظم کے معاون خصوصی برائے ریونیو ڈاکٹر وقار مسعود خان نے کہا ہے کہ اصلاحات کا عمل جاری ہے جس کے یقینا مثبت نتائج برآمد ہوں گے ،کورونا وباء کی مشکلات کے باوجود مالی سال کے پہلے سات ماہ میں محاصل کے حصول میں کامیابی ملی ہے ۔ ایک انٹر ویو میں انہوں نے کہا کہ اصلاحات کا عمل ہمیشہ مشکل او رصبر آزما مرحلہ ہوتا ہے اور حکومت اس جانب سے کامیابی سے پیشرفت کر رہی ہے ۔ انہوں نے کہا کہ اگر معاشی سرگرمیوں میں بہتری جاری رہی تو ایف بی آر رواں سال کا ریونیو ہدف حاصل کرنے میں کامیاب ہو جائے گا اور اب تک تمام اشاریے مثبت سمت میں ہیں۔
