کراچی(این این آئی)مرکزی اطلاعات سیکریٹری پاکستان پیپلز پارٹی پارلیمنٹرینز و ایم این اے شازیہ عطا مری نے کہا ہے کہ پی ٹی آئی کی ناکام اور نالائق حکومت غریب عوام کے اوپر مہنگائی کے بم گراتے جاررہی ہے اور ایک ہفتے کے اندر 25 سے زائد اشیا خوردونوش کی قیمتوں میں اضافہ اور مہنگائی کی شرح میں 0.55 فیصد اضافہ کیا گیا ہے جو کہ قابل مذمت ہے ۔ انہوں نے کہا کہ نیازی حکومت نے ایک ہی ہفتے میں بجلی کی دو مرتبہ قیمت بڑھائی ہے اور اب مزید 92 پیسہ فی یونٹ اضافے کی خبریں سن رہے ہیں جو کہ غریب عوام کے اوپر ظلم ہے ۔ انہوں نے کہا کہ نااہل حکومت کے ایسے عوام دشمن فیصلوں کو پی پی پی مسترد کرتی ہے ۔ ان خیالات کا اظہار آج انہوں نے ادارہ شماریات کی جانب سے جاری مہنگائی کے ہفتہ وار اعداد و شمار اور ملک میں بڑھتی ہوئے مہنگائی کی صورتحال پر رد عمل دیتے ہوئے اپنے ایک جاری کردہ بیان میں کیا ہے ۔ مرکزی اطلاعات سیکریٹری پی پی پی پارلیمنٹرینز نے کہا کہ عمران خان نیازی کی پالیسیوں نے ملک کی معیشت کو تباہ کردیا ہے اور تباہی سرکار کی ناکام معاشی پالیسیوں، مہنگائی اور بی روزگاری سے عوام تنگ آ چکی ہے
