چین کیساتھ مواصلات کو مزید تقویت دینے کو تیار ہیں،عاصم سلیم باجورہ

0
134

اسلام آباد(این این آئی)چیئرمین پاک چین اقتصادی راہداری (سی پیک) اتھارٹی عاصم سلیم باجوہ سے چین کے نئے سفیر نونگ رونگ نے ملاقات کی جس میں سی پیک کی تعمیر سے متعلق امور پر گفتگو کی گئی ۔چینی سفارت خانے کے مطابق عاصم سلیم باجوہ اور نونگ رونگ کی ملاقات میں چین، پاکستان تعلقات اور سی پیک کی تعمیر سے متعلق امور پر گفتگو ہوئی۔چیئرمین سی پیک اتھارٹی نے چینی سفیر کی پاکستان میں تعیناتی کا خیرمقدم کرتے ہوئے کہا کہ دونوں ممالک کے درمیان دوستی وقت کے ساتھ مضبوط ہورہی ہے۔دوران گفتگو عاصم سلیم باجوہ نے کہا کہ سی پیک پاکستان کی تقدیر بدلنے کے لئے اہم منصوبہ ہے، جسے پاکستانی حکومت اور عوام کی دلی حمایت حاصل ہے۔انہوں نے کہا کہ سی پیک اتھارٹی راہداری منصوبے کے لئے ون اسٹاپ سروس کی فراہمی کے لئے پرعزم ہے۔چیئرمی سی پیک اتھارٹی نے کہا کہ ہم چین کے ساتھ مواصلات اور ہم آہنگی کو مزید تقویت دینے کو تیار ہیں۔اس موقع پر چینی سفیر نے کہا کہ سی پیک کی تعمیر کے مسلسل مثبت نتائج آرہے ہیں، سی پیک منصوبہ دونوں ملکوں کے درمیان تعاون کا پائلٹ پراجیکٹ ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں