اسلام آباد (این این آئی)صدر مملکت ڈاکٹر عارف علوی نے اپنی اہلیہ بیگم ثمینہ علوی کے ہمراہ بچوں کے پسندیدہ ہاتھی کاون کی کمبوڈیا روانگی سے متعلق الوداعی تقریب میں شرکت کی۔ خصوصی میں تقریب میں شرکت کے لئے مرغزار چڑیا گھر کا دورہ کیا ۔ منگل کو صدر مملکت ڈاکٹر عارف علوی نے اظہار خیال کرتے ہوئے کہا کہ چیف جسٹس اسلام آباد ہائی کورٹ اطہر من اللہ نے اسلامی روایات کے تناظر میں جانوروں کے تحفظ اور انہیں سازگار ماحول فراہم کرنے کے حوالے سے شاندار فیصلہ کیا ہے۔ انہوں نے کہا کہ بچپن میں جانوروں کے بچوں کو ان کی مائوں سے علیحدہ کرنے سے ان کے احساسات پر منفی اثرات مرتب ہوتے ہیں۔ صدر نے امید ظاہر کی کہ کاون ہاتھی کمبوڈیا میں اپنے دیگر ساتھی ہاتھیوں سے مل کر خوشی محسوس کرے گا۔ صدر مملکت نے اس حوالے سے وزارت موسمیاتی تبدیلی کی کوششوں کو سراہا اور کہا کہ صاف شفاف پاکستان تحریک کے تحت مارگلہ نیشنل پارک کو محفوظ بنانے کے لئے اقدامات کئے جائیں۔ انہوں نے عوام میں جانوروں کے حقوق اور ان کی دیکھ بھال کے لئے ساز گار ماحول کی فراہمی سے متعلق آگاہی پیدا کرنے پر زور دیا۔ انہوں نے مارگلہ ہلز کے جانوں کے تحفظ اور اسلام آباد ہائی کورٹ کے فیصلے پر عمل کرتے ہوئے مرغزار چڑیا گھر کے جانوروں کی دوسری جگہ منتقلی کے عمل پر اسلام آباد وائلڈ لائف مینجمنٹ بورڈ کی خدمات کی تعریف کی
مقبول خبریں
تحریک عدم اعتماد کا سیاسی، جمہوری اور پارلیمانی انداز میں مقابلہ کریں گے ،شاہ...
اسلام آباد (این این آئی)وزیر خارجہ مخدوم شاہ محمود قریشی نے کہا ہے کہ ہم اور ہمارے حلیف تحریک عدم اعتماد کا سیاسی،...
بابری مسجد کی جگہ تعمیر ہونے والی مسجد احمد اللہ شاہ کے نام سے...
نئی دہلی (این این آئی)ایودھیا میں بابری مسجد کی جگہ تعمیر ہونے والی مسجد احمد اللہ شاہ کے نام منسوب ہوگی۔میڈیارپورٹس کے مطابق انڈو...
کووڈ 19 درمیانی عمر کے افراد کے لیے بھی بہت خطرناک ہے،تحقیق
واشنگٹن(این این آئی)کورونا وائرس سے ہونے والی بیماری کووڈ 19 کو عام طور پر معمر افراد کے لیے زیادہ خطرناک سمجھا جاتا ہے مگر...
کاجا کالاس ایسٹونیا کی پہلی خاتون وزیر اعظم مقرر
تالین(این این آئی)کاجا کالاس ایسٹونیا کی پہلی خاتون وزیر اعظم بننے جارہی ہیں۔ ملک کی دو بڑی سیاسی جماعتوں کے مابین نئے حکمراں اتحاد...
انڈونیشیا نے ایران اور پاناما کے تیل بردار جہاز ضبط کر لیے
جکارتہ (این این آئی)انڈونیشیا میں حکام نے ایران اور پاناما کے ایک ایک تیل بردار جہاز کو ضبط کر لیا ہے اور شبہ ظاہر...