لاہور( این این آئی )مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ نالائقوں تم کوپکی پکائی ملی اس لیے ہضم نہیں ہورہی،نوازشریف نے سسٹم میں 13ہزار میگاواٹ بجلی شامل کی ،نالائقوں اور کام چوروں کا ٹولہ سسٹم میں موجود بجلی بھی پاکستانیوں کو فراہم کرنے کے صلاحیت نہیں رکھتا۔ اپنے بیان میں انہوں نے کہا کہ کرائے کے ترجمان جتنا ٹی وی پر بھاشن دیتے ہیں اتنی توجہ ملکی مسائل پر دیں تو وہ یقینا حل ہو جائیں،پاکستان کی تاریخ میں پہلی مرتبہ پورا ملک 12 گھنٹوں سے زائد اندھیرے میں ڈوبا رہا ،باتیں چاند اورمریخ پر جانے کی کرتے ہیں لیکن صلاحیت ایک بجلی کایونٹ پیدا کرنے کی نہیں،نوازشریف،شہبازشریف اور ان کی ٹیم نے دن رات محنت کرکے 13ہزار میگاواٹ بجلی پیدا کی ،شہبازشریف حکومت نے اپنے وسائل سے قائداعظم سولر پاور،حویلی بہادر شاہ،بھکھی پاور پلانٹ جیسے منصوبے لگائے ،نوازشریف نے دیامر بھاشا ڈیم کی زمین 120ارب روپے میں خریدی ۔ انہوں نے کہا کہ نوازشریف کے جانے کے بعد تمام میگاپراجیکٹس کو بریک لگ گئی ہے،پاکستان کی ترقی کا راز صرف نوازشریف اور ان کی ٹیم کی پاس ہے ،سلیکٹرز کو بھی معلوم ہو گیا سب چابی والے کھلونے اور مہرے ناکام ثابت ہوئے ہیں۔
