لاہور(این این آئی)بین الاقوامی شہرت یافتہ فوک گلوکار عارف لوہارکا نیا عارفانہ کلام ”دنیا” ریلیز کردیا گیا۔تفصیلات کے مطابق اس کلام کو گزشتہ روز ان کے آفیشل یوٹیوب چینل اور دیگرسوشل سائیٹس پر ریلیز کیا گیا تھا۔اس کلام کا میوزک سونو علی نے ترتیب دیاہے جبکہ اس کی ویڈیو ایڈیٹنگ پرویزنے کی ہے۔اس ویڈیوکو جذبہ انٹرٹینمنٹ کے لیبل سے ریلیز کیا گیاہے۔اس کلام کے پروڈیوسر عارف لوہار ہیں۔ایک ملاقات کے دوران عارف لوہار نے بتایاکہ اس کلام میں انہوں نے دنیا کی بے ثباتیوں اور ہولناکیوں بارے بتایاہے کہ ہمیں اس دنیا سے اپنا جی نہیں لگانا چاہئے بلکہ اس دنیامیں ہمیں ایسے کام کرنے چاہیئں جس کا حکم ہمیں ہمارے اللہ نے دیاہے کیونکہ ہمیں اس فانی دنیامیں کچھ عرصہ رہ کر اپنے رب کی طرف لوٹ جانا ہے اس لیئے ہمیں اس دنیامیں رہتے ہوئے بھی اپنی آخرت کی فکر کرنی چاہیئے جہاں ہمیں ہمیشہ رہناہے۔عارف لوہار نے کہا کہ اس کلام کے زریعے انہوں نے اپنے رب کا پیغام سب کو دینے کی کوشش کی ہے جس میں سب کی بھلائی ہے
