بزدار خاندان ارب پتی خاندان بن چکا ،سب اثاثے دوسروں کے نام پر ہیں’ عظمیٰ بخاری

0
373

لاہور( این این آئی) مسلم لیگ (ن) پنجاب کی سیکرٹری اطلاعات عظمی بخاری نے کہا ہے کہ بزدار خاندان ارب پتی خاندان بن چکا ہے اور سب اثاثے دوسروں کے کے نام پر ہیں،کس جادو کے چراغ سے لاکھوں کے اثاثے اربوں روپے میں ہو گئے ،طاہر خورشید المعروف ٹی کے صاحب وہی کچھ کرتے ہیں جو انہیں کہا جاتاہے نیب نے انہیں بھی نوٹس بھیج دیاہے ، عمران خان کو پتہ نہیں چل رہا پنجاب میں ٹرانسفر اور پوسٹنگ کیسے فروخت ہو رہی ہے ، پنجاب اسمبلی سے منظور ہونے والے استحقاق بل پر شرمندہ ہوں ،(ن)لیگ قطعی طورپر صحافیوں پر پابندی یا حقائق چھپانے کے لئے لائے جاین والے بل کی حمایت نہیں کرے گی ،ہمیں وہ بل نہیں دیا نہ پڑھا گیا ،قائمہ کمیٹیاںنہ ہونے کی وجہ سے بل خصوصی کمیٹی سے پاس ہورہے ہیں،ملک محمد احمد سے بات کریں گے اور پوچھیں گے کہ بغیر پڑھے بل آگے کیوں جانے دیا گیا۔ پارٹی کے مرکزی سیکرٹریٹ میں پریس کانفرنس کرتے ہوئے عظمیٰ بخاری نے کہا کہ دس روز پہلے میری پریس کانفرنس پر کچھ لوگوں نے معافی مانگنے اور پچیس کروڑ روپے ہرجانے کا نوٹس بھیجا ،عثمان بزدار کی عزت پچیس کروڑ روپے کی ہے ،الیکشن کمیشن نے اثاثوں میں تضاد پر انہیں نوٹس بھجوایا ،الیکشن کمیشن کی جانب سے انہیں نو مئی اور دوسراآٹھ جون کو نوٹسز آئے لیکن وزیر اعلیٰ کی طرف سے جواب نہیں دیا گیا