کراچی(این این آئی)پاکستانی گلوکار اذان سمیع خان کے ڈیبیو ڈرامے ‘عشقِ لا’ کی پہلی جھلک سامنے آگئی جس میں وہ اداکارہ یمنیٰ زیدی کے ساتھ موجود ہیں۔رواں برس مئی میں مختلف میڈیا رپورٹس میں ذرائع کا حوالہ دیتے ہوئے کہا جارہا تھا کہ زیبا بختیار کے بیٹے اور گلوکار اذان سمیع اب اداکاری کے میدان میں بھی قسمت آزمانے کو تیار ہیں۔اذان سمیع ڈراما ‘عشقِ لا ‘ سے اداکاری کے میدان میں قدم رکھ رہے ہیں جس میں اداکارہ یمنیٰ زیدی اور سجل علی بھی موجود ہیں۔’عشقِ لا ‘ کے ہدایت کار امین اقبال سیٹ سے شوٹنگ کی مختلف تصاویر شیئر کرتے رہتے ہیں اور مداحوں کو آگاہ رکھتے ہیں۔تاہم جب یمنیٰ زیدی اور اذان سمیع نے ڈرامے کی پہلی جھلک شیئر کی تو وہ دیکھتے ہی دیکھتے وائرل ہوگئی۔سوشل میڈیا پر شیئر کی گئی تصویر میں یمنیٰ زیدی اور اذان سمیع ایک ساتھ کھڑے ہوئے نظر آرہے ہیں، دونوں کی جانب سے پوسٹ کے کیپشن میں ‘عشقِ لا ‘ لکھا گیا مگر کوئی تفصیلات نہیں جاری کی گئیں۔اس سے چند روز قبل سجل علی نے بھی اذان سمیع کے ساتھ ایک تصویر شیئر کی تھی۔تاہم اب مداحوں کی جانب سے قیاس آرائیاں کی جارہی ہیں کہ اذان سمیع ڈرامے میں یمنیٰ زیدی کے ساتھ نظر آئیں گے یا سجل علی یا پھر یہ کوئی لَو ٹرائی اینگل ہے۔ڈرامے کی کہانی کے حوالے سے کسی قسم کی کوئی تفصیلات سامنے نہیں آئیں، ‘عشقِ لا’ کی کہانی معروف ڈراما نگار قیصرہ حیات نے لکھی ہے اور اسے مومنہ درید پروڈکشنز کے بینر تلے پروڈیوس کیا جارہا ہے۔علاوہ ازیں اس ڈرامے میں ‘عہدِ وفا’ میں گلزار کے کردار سے مقبول ہونے والے اداکار عدنان صمد خان بھی اداکاری کرے نظر آئیں گے۔’عشقِ لا’ نجی چینل ہم ٹی وی سے نشر ہوگا تاہم اس حوالے سے دیگر کوئی تفصیلات تاحال سامنے نہیں آئیں۔
مقبول خبریں
وزیراعظم کا صدر آصف زرداری سے ٹیلیفونک رابطہ، خیریت دریافت کی
اسلام آباد(این این آئی)وزیراعظم شہباز شریف نے صدر مملکت آصف علی زرداری سے ٹیلی فونک رابطہ کر کے خیریت دریافت کی ہے۔ جاری بیان...
وزیراعظم کا شہید ذوالفقارعلی بھٹو کو خراج عقیدت
اسلام آباد(این این آئی)وزیراعظم محمد شہباز شریف نے شہید ذوالفقار علی بھٹو کو ان کی 46 ویں برسی پر خراج عقیدت پیش کرتے ہوئے...
چیئرمین سینیٹ کا ذوالفقار علی بھٹو کی برسی پر خراجِ عقیدت
اسلام آباد(این این آئی)چیئرمین سینیٹ سید یوسف رضا گیلانی نے پاکستان کے عظیم عوامی رہنما، بانی جمہوریت اور عوام کے حقوق کے محافظ شہید...
وزیراعظم کی رمضان ریلیف پیکیج ماڈل کو دیگر سرکاری سکیموں میں اپنانے کی ہدایت
اسلام آباد(این این آئی)وزیراعظم شہباز شریف نے رمضان ریلیف پیکیج کیلئے استعمال ہونیوالے ادائیگی کے طریقہ کار کو دیگر سرکاری سکیموں میں بھی اختیار...
ٹک ٹاک پر معاہدے کے بہت قریب ہیں، ڈونلڈ ٹرمپ
واشنگٹن (این این آئی )امریکا کے صدر ڈونلڈ ٹرمپ نے کہا ہے کہ ٹک ٹاک پر معاہدے کے بہت قریب ہیں۔میڈیارپورٹس کے مطابق امریکی...