قاہرہ(این این آئی)مصری فوج نے شمالی جزیرہ نما سینا میں آپریشن کے دوران 89 انتہائی خطرناک تکفیری عناصر کو ہلاک کرنے کا اعلان کیا ہے۔میڈیارپورٹس کے مطابق مصری مسلح افواج کی جنرل کمانڈ نے ایک بیان میں کہا کہ مسلح افواج کی طرف سے ریاست کی تمام اسٹریٹجک سمتوں پر دہشت گرد عناصر کا تعاقب اور شکست دینے کی مسلسل کوششوں کے فریم ورک کے تحت مسلح افواج کے ہیرو دہشت گرد عناصر کو پے در پے حملوں میں ہلاک کرنے میں کامیاب ہوئے۔ بیان میں کہا گیا کہ جزیرہ نما سینا میں متعدد مخصوص کارروائیوں کے نفاذ کے نتیجے میں 89 انتہائی خطرناک تکفیری عناصر کو ہلاک کیا گیا ہے۔بیان میں کہا گیا کہ آپریشن کے علاقوں میں مسلح افواج کے 8 ارکان ہلاک یا زخمی ہوئے۔آپریشن کے دوران 73 خودکار رائفلیں ، 140 میگزین ، 5،606 ملٹی کیلیبر گولیاں ، 34 وائرلیس ڈیوائسز اور ایک کیمرہ اور ایک نائٹ ویژن ڈیوائس سے لیس ڈرون ،ایک لیپ ٹاپ کمپیوٹر ، متعدد موبائل فون اور نقدی قبضے میں لی گئی۔آپریشن کے دوران عسکریت پسندوں کے قبضے سے 404 دھماکہ خیز آلات اور 59 موٹر سائیکلیں بھی برآمد کی گئیں۔تکفیری عناصر کی جانب سے دہشت گرد کارروائیوں میں استعمال ہونے والی 52 گاڑیاں تباہ کردی گئیں۔
مقبول خبریں
سپریم کورٹ سے عمران خان کی تصویر وائرل ہونے کی تحقیقات کا آغاز
اسلام آبا د(این این آئی)قومی احتساب بیورو (نیب) قانون میں ترامیم سے متعلق کیس کی سماعت کے دوران پاکستان تحریک انصاف کے بانی...
فیصل بینک نے ملتان میں اپنے ریجنل آفس اور فلیگ شپ برانچ کا افتتاح...
ملتان(این این آئی)پاکستان کے تیزی سے ترقی کرتے ہوئے اسلامی بینک، فیصل بینک لمیٹڈ نے ملتان میں اپنے ریجنل ہیڈ کوارٹر کا افتتاح کردیا...
نیب ترامیم کیس ،آرڈیننس لانے ہیں تو پھر پارلیمان کو بند کر دیں،سپریم کورٹ
اسلام آباد (این این آئی)سپریم کورٹ نے قومی احتساب بیورو (نیب) ترامیم کے خلاف درخواستوں پر سماعت کے دوران چیف جسٹس قاضی فائز عیسیٰ...
آزاد کشمیر میں احتجاجی تحریک کے دوران شر پسند عناصر کی طرف سے صورتحال...
مظفر آباد (این این آئی)وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے...
وزیر تجارت کی زیرصدارت اجلاس ،پاکستان کی برآمدی اور کاروباری شعبوں میں اہم مسائل...
اسلام آباد(این این آئی)وفاقی وزیر تجارت جام کمال خان نے پاکستان کی برآمدی اور کاروباری شعبوں میں اہم مسائل کے حل کے لیے ایک...