اسلام آباد (این این آئی) وزیر خارجہ شاہ محمود قریشی نے کہاہے کہ وزیر اعظم سے ملاقات میں خطے کی صورتحال پر گفتگو ہوئی ہے ، عاشورہ کے بعد افغانستان کے ہمسائیہ ممالک کے رابطہ کر کے مشاورت کرونگا ،دنیا، امن و استحکام کی خواہاں ہے،بھارت کو موجودہ حالات میں ذمہ داری کا ثبوت دینا چاہیے۔ اپنے بیان میں انہوںنے کہاکہ میری وزیر اعظم عمران خان صاحب سے ملاقات ہوئی ہے اور خطے کی صورتحال پر تبادلہ خیال ہوا ہے، وزیر اعظم نے مجھے اس بات کی منظوری دی ہے کہ میں عاشورہ کے بعد افغانستان کے ہمسایہ ممالک کے ساتھ روابط اور مشاورت کروں تاکہ ایک متفقہ لائحہ عمل مرتب کیا جا سکے۔ انہوںنے کہاکہ بھارت کو موجودہ حالات میں ذمہ داری کا ثبوت دینا چاہیے،دنیا، امن و استحکام کی خواہاں ہے۔ انہوںنے کہاکہ دنیا توقع کرتی ہے کہ بھارت مثبت کردار ادا کرے،خطے کی بہتری کیلئے بھارت کو ذمہ داری کا مظاہرہ کرنا ہوگا
