ممبئی (این این آئی)بالی ووڈ اداکارہ سارہ علی خان نے والد سیف علی خان کی سالگرہ کے موقع پر کچھ خوبصورت تصاویر جاری کی ہیں۔سارہ علی خان کی جانب سے شیئر کی جانے والی تصاویر میں انہیں سیف علی خان، کرینہ کپور اور چھوٹے بھائی جہانگیر علی خان کے ہمراہ والد کی سالگرہ مناتے دیکھا جاسکتا ہے۔اداکارہ نے تصاویر شیئر کرتے ہوئے اپنے والد کے لیے لکھا کہ سالگرہ مبارک ہو ابا، آپ میرے سپر ہیرو، بہترین دوست، مجھ سے بات ، ساتھ سفر کرنے والے اور سب سے زیادہ مجھے سپورٹ کرنے والے ہیں، میں آپ سے بہت محبت کرتی ہوں۔سیف علی خان کی سالگرہ کے موقع پر کرینہ کپور نے بھی پہلی مرتبہ پوری فیملی کی تصویر شیئر کی تھی۔
