ممبئی (این این آئی) بالی ووڈ اداکارہ شلپا شیٹی اپنے شوہر کی گرفتاری اور عبوری ریلیف پر رہائی کے بعد سپر ڈانسر فور پروگرام میں واپس آگئی ہیں۔سپر ڈانسر فور کی آنے والی قسط کے دوران مقابلے میں شریک رانی لکشمی بائی کی ایک پرفارمنس دیکھنے کے بعد شلپا شیٹھی نے معاشرے میں خواتین کے بارے میں بات چیت کرتے ہوئے کہا کہ خواتین کی جدوجہد اور طاقت انہیں کسی بھی صورتحال سے نبرد آزما ہونے کی قوت فراہم کرتی ہے۔انہوں نے کہا کہ ایک عورت کو اسکے شوہر کے چلے جانے کے بعد بھی زندگی میں حالات سے لڑنا چاہیے۔ انہوں نے کہا کہ خواتین کو اب بھی اپنے حقوق، شناخت اور بچوں کے لیے لڑنا پڑتا ہے۔
