واشنگٹن(این این آئی) امریکی حکام نے دعوی کیا ہے کہ سی آئی اے کے ڈائریکٹر ولیم برنز نے طالبان رہنما ملا عبدالغنی برادر اخوند سے کابل میں ملاقات کی ہے ۔امریکی اخبا ر کے م طابق امریکی صدر جو بائیڈن حکومت کے کسی اعلی عہدیدار اور طالبان کی قیادت کے درمیان ہونے والی اس مبینہ ملاقات میں افغانستان سے امریکی انخلا کی ڈیڈ لائن سے متعلق بات چیت کا امکان ظاہر کیا جا رہا ہے۔امریکا کی مرکزی اٹنلیجنس ایجنسی نے طالبان قیادت سے اعلی امریکی عہدیدار کی ملاقات پر تبصرے سے گریز کیا ۔طالبان کے ایک اعلی عہدیدار نے بتایا کہ ملا برادر ہفتے کے روز طالبان اور دوسرے سیاستدانوں کے ساتھ افغانستان میں نئی حکومت کی تشکیل سے متعلق مذاکرات کے لیے کابل پہنچے تھے۔سی آئی اے سربراہ کے ساتھ طالبان قیادت کی ملاقات سے متعلق خبر ایک ایسے وقت سامنے آئی ہے جب امریکی صدر جو بائیڈن کو افغانستان سے امریکیوں کے اںخلا کی ڈیڈ لائن میں توسیع سے متعلق بین الاقوامی اتحادیوں سمیت کئی اطراف سے دبا کا سامنہ ہے۔
