اسلام آباد (این این آئی)نائب صدر پیپلز پارٹی سینیٹر شیری رحمان نے کہاہے کہ 6 ستمبر کے دن ہماری بہادر افواج نے بھارتی عزائم کو مٹی میں ملا دیا۔ یومِ دِفاع و شہداء کے موقع پر اپنے پیغام میں انہوںنے کہاکہ 6 ستمبر کے دن ہماری بہادر افواج نے بھارتی عزائم کو مٹی میں ملا دیا۔ انہوںنے کہاکہ 6 ستمبر 1965 کے شہداء ، غازیوں اور بہادر سپاہیوں کو خراج عقیدت پیش کرتی ہوں، پوری قوم پاک افواج کے عظیم شہداء اور ان کے خاندانون کو سلام پیش کرتی ہے۔ انہوںنے کہاکہ آج ملک کی سرحدیں ہماری بہادر افواج کی وجہ سے محفوظ ہیں، ہماری افواج نے دہشتگردی خلاف جنگ میں جتنی قربانیاں دیں ہیں وہ کسی ملک کی افواج نے نہیں دی۔ انہوںنے کہاکہ پاکستان کی بہادر مسلح افواج نے ہمیشہ جرات کے ساتھ ملک کا دفاع کیاہے۔ انہوںنے کہاکہ تمام پاکستانیوں کو اپنی بہادر افواج پر فخر ہے، ملک کا دفاع کر شہری کا اولین فرض ہے۔ انہوںنے کہاکہ ملک کے دفاع و سلامتی خاطر پوری قوم پاک افواج کے شانا بشانا کھڑی ہے۔
