وزیراعلی پنجاب عثمان بزدار نے شانِ رحمت اللعالمینۖ منانے کیلئے کمیٹی تشکیل دیدی

0
21

لاہور(این این آئی) پنجاب میں شانِ رحمت اللعالمینۖ منانے کیلئے کمیٹی تشکیل دے دی گئی، کمیٹی3روز میں مشاورت کے بعدسفارشات وزیراعلی کو پیش کرے گی۔تفصیلات کے مطابق وزیراعلی پنجاب عثمان بزدار نے شانِ رحمت اللعالمینۖ منانے کیلئے کمیٹی تشکیل دے دی ، وزیرقانون وکوآپریٹوزپنجاب راجہ بشارت کمیٹی کیسربراہ ہوں گے ، کمیٹی شانِ رحمت اللعالمینۖکانفرنس کیلئے انتظامات کوحتمی شکل دے گی۔مختلف یونیورسٹیوں میں سیرت چیئر کا قیام بھی کمیٹی کے ٹی اوآرز میں شامل ہیں ، کمیٹی3روز میں مشاورت کے بعدسفارشات وزیراعلی کو پیش کرے گی۔یاد رہے گذشتہ سال نومبر میں وزیراعلی پنجاب عثمان بزدار نے اسلاموفوبیا کے جواب میں ہفتہ شان رحمت اللعالمینۖمنانے کا اعلان کرتے ہوئے کہا تھا کہ سالانہ رحمت اللعالمینۖاسکالرشپ کے آغازکا فیصلہ کیا ہے، یونیورسٹیز، کالجز ،ا سکولوں میں سیرت النبی ۖپرتقریری مقابلے ہوں گے۔انھوں نے کہا تھا کہ پنجاب میں 50کروڑ روپیسے رحمت للعالمین وظائف کا اجراکیاجارہاہے ، ربیع الاول کیمہینیمیں سرکاری سطح پرتقریبات کی جائیں گی اور پنجاب میں بین الاقوامی علما ومشائخ کانفرنس کا انعقاد کیاجائیگا۔وزیراعلی پنجاب کا مزید کہنا تھا کہ ہر سال ربیع الاول میں ہفتہ شان رحمت للعالمین ۖمنایاجائے گا۔