نیویارک(این این آئی)اقوام متحدہ کی فوڈ ایجنسی نے کہا ہے کہ ستمبر میں خوراک کی قیمتیں عالمی سطح پر مسلسل دوسرے مہینے بڑھ کر 10 سال کی بلند ترین سطح پر پہنچ گئی ہیں۔غیر ملکی خبر رساں ادارے کی رپورٹ کے مطابق روم میں قائم فوڈ اینڈ ایگریکلچر آرگنائزیشن (ایف اے او)نے 2021 میں ریکارڈ عالمی اناج کی پیداوار کا بھی تخمینہ لگایا لیکن کہا کہ یہ پیش گوئی کھپت سے آگے نکل جائے گی۔ایجنسی کے ڈیٹا کے مطابق ایف اے او کا فوڈ پرائز انڈیکس جو عالمی سطح پر سب سے زیادہ تجارت کی جانے والی اشیائے خورونوش کی بین الاقوامی قیمتوں پر نظر رکھتا ہے، گزشتہ ماہ اوسطا 130 پوائنٹس رہا جو ستمبر 2011 کے بعد سب سے زیادہ ہے۔اگست کے لیے نظر ثانی شدہ 128.5 پوائنٹس کا تخمینہ لگایا گیا جو اس سے قبل 127.4 پوائنٹس دیا گیا تھا۔سالانہ بنیادوں پر ستمبر میں قیمتوں میں 32.8 فیصد اضافہ ہوا۔زرعی اجناس کی قیمتوں میں گزشتہ ایک سال میں تیزی سے اضافہ ہوا، جو فصلیں خراب ہونے اور ایشیائی ملک چین کی طلب میں اضافے کی وجہ سے سامنے آیا۔ایف اے او کا سیریل پرائز انڈیکس گزشتہ مہینے کے مقابلے میں ستمبر میں دو فیصد بڑھ گیا، گندم کی قیمتوں میں تقریبا 4 فیصد اضافہ ہوا۔اقوام متحدہ کی ایجنسی نے زیادہ طلب کے درمیان برآمد کے لیے دستیابی میں کمی کو اس کا ذمہ دار ٹھہرایا۔ایف اے او کے سینئر اکنامسٹ عبدالرضا نے ایک بیان میں کہا کہ اہم اناج میں گندم آنے والے ہفتوں میں توجہ کا مرکز ہوگی کیونکہ قیمتوں میں تیزی سے اضافے پر قیمتوں کا دوبارہ جائزہ لینا ہوگا۔انہوں نے کہا کہ عالمی سطح پر کھانے کے تیل کی قیمتیں رواں مہینے 1.7 فیصد بڑھ گئی ہیں جو سالانہ بنیاد پر تقریبا 0 فیصد اضافہ ظاہر کرتی ہے کیونکہ پام آئل کی قیمتیں مضبوط درآمدی طلب اور ملائیشیا میں مزدوروں کی قلت کی وجہ سے بہت بڑھ گئی ہیں۔ایف اے او کے مطابق ستمبر میں چینی کی عالمی قیمتوں میں 0.5 فیصد اضافہ ہوا جس کی وجہ برازیل کی جانب سے برآمدات میں کمی کرنا اور بھارت اور تھائی لینڈ میں پیداوار زیادہ ہونا ہے۔
مقبول خبریں
تحریک انصاف کا ڈی چوک میں احتجاج کا اعلان سازش ہے ، فیصل کریم...
اسلام آباد(این این آئی) گورنرخیبرپختونخوا فیصل کریم کنڈی نے کہاہے کہ پی ٹی آئی کا ڈی چوک میں احتجاج کا اعلان سازش ہے، پی...
صدر زرداری ترکمانستان کا 2روزہ دورہ مکمل کر کے وطن واپس پہنچ گئے
اسلام آباد(این این آئی)صدر مملکت آصف علی زرداری ترکمانستان کا 2روزہ سرکاری دورہ مکمل کرنے کے بعد وطن واپس پہنچ گئے۔اپنے قیام کے دوران...
وفاقی آئینی عدالت کا قیام قائداعظم کا خواب تھا،بلاول بھٹو زرداری کا ٹویٹر پیغام
اسلام آباد(این این آئی)چیئرمین پاکستان پیپلزپارٹی بلاول بھٹو زرداری نے ٹویٹرپر اپنے پیغام میں کہا ہے کہ وفاقی آئینی عدالت کا قیام قائداعظم کا...
دکی،شہید مزدوروں کے ورثا کوفی کس 15لاکھ دینے کا اعلان
دکی (این این آئی)بلوچستان کے علاقے دکی میں گزشتہ روز کوئلہ کانوں پر مسلح افراد کے حملے میں 21 کان کن جاں بحق اور...
15اکتوبر کے احتجاج میں ہماری قیادت ‘شرارت کی ذمہ دار حکومت ہوگی ، شیخ...
اسلام آباد(این این آئی) پی ٹی آئی کے رہنما شیخ وقاص اکرم 15 اکتوبر کے احتجاج میں ہماری قیادت ہوگی، ہر شرارت کی ذمہ...