لاہور( این این آئی)سینئر ہدایتکار سید نوراپنی فلم” باجرے دی راکھی ”کے تکنیکی اموراور پروسیسنگ کے لئے بینکاک جائیںگے ۔” فلم باجرے دی راکھی ”کی شوٹنگ مکمل ہو چکی ہے اور اس کی ایڈیٹنگ کا بہت سا کام پاکستان میں کیا گیا تاہم فلم کے معیار کو مزید بہتر بنانے کے لئے سید نور نے پروسیسنگ اوردیگر تکنیکی امورکیلئے بینکاک جانے کا منصوبہ بنایا ہے ۔سید نور کا کہنا ہے کہ فلموںکی ریلیز میں بڑاطویل تعطل آیا ہے اور میری کوشش ہو گی کہ فلم کو جلد سے جلد ریلیز کیا جائے ۔ انہوںنے کہاکہ اربوں روپے کی سرمایہ کاری سے بنائی گئی درجنوں فلمیںڈبوںمیںبند پڑی ہیں اور امید ہے کہ اب حالات بہتر ہوئے ہیں تو انہیں نمائش کیلئے پیش کیا جائے گا ۔ شائقین فلم کو سید نور کی فلم ” باجرے دی راکھی ” کی نمائش کا انتہائی شدت سے انتظار کر رہے ہیں۔
