لاہور( این این آئی)نامورگلوکارہ شاہدہ منی نے کہا ہے کہ پاکستان کی خواتین زندگی کے ہر شعبے میں مردوںکے شانہ بشانہ خدمات سرانجام دے رہی ہیں،کسی دورمیں خواتین کاکام کرنا معیوب سمجھا جاتاتھالیکن آج خوشی ہے کہ خواتین فوج ،پولیس ،ائیر فورس ،سول سروس سمیت کارپوریٹ سیکٹر اورملٹی نیشنل کمپنیوںمیں اہم عہدوں پر فائز ہیں ۔خصوصی گفتگو کرتے ہوئے شاہدہ منی نے کہا کہ یہ زیادہ دور کی بات نہیں ہے جب خواتین کو صنف نازک سمجھ کر کوئی ذمہ داری نہیں سونپی جاتی تھی لیکن خواتین نے اپنے عزم اور حوصلے سے ثابت کیاہے کہ وہ مردوںکے شانہ بشانہ کام کرسکتی ہیں بلکہ کئی شعبوںمیں خواتین مردوں سے زیادہ کامیاب ہیں ۔انہوں نے کہا کہ ایک دور وہ بھی تھا جب خواتین کو شوبز میں آنے کے لئے گھر والوں کی بڑی مزاحمت کا سامنا کرنا پڑتا تھا اور اب اس رجحان میںبھی خوشگوار تبدیلی آئی ہے اورفیملیاں اپنے بچوں کوشوبز میں آنے پر سپورٹ کرتے ہیں ۔
