لاہور( این این آئی)نامور اداکار بابرعلی نے کہا ہے کہ کوروناوباء کی وجہ سے زندگی گزارنے کے اصول ہی تبدیل ہو گئے ،کورونا وباء کی وجہ سے سپر پاورز نے بھی گھٹنے ٹیک دئیے اور ثابت ہو گیا کہ رب کی ذات سب سے بڑی سپر پاور ہے ۔ ایک انٹر ویو میںبابر علی نے کہا کہ ایک ایسا وائرس جو نظر بھی نہیں آتا لیکن اس نے دنیا میں تباہی مچادی ، ترقی یافتہ ممالک کے صحت کے نظام جواب دے گئے ۔ انہوںنے کہا کہ مجھے سنجیدگی پسند ہے ، میں سمجھتا ہوں کہ انسان کو الفاظ کو سنبھال کر رکھنے چاہیے تاکہ کسی کی دل آزاری نہ ہو جائے ،انسان کو کسی بھی محفل میں ہمیشہ ناپ تول کر بولنا چاہیے تاکہ ایسی کوئی بات نہ ہو جائے جو کسی کوناگوار گزرے اور میں اسے بوجھ سمجھتا ہوں
